بوسنا ب كۆژمێ 500 ته‌نان ته‌قه‌مه‌نى بۆ عيراقێ ره‌وانه كرن
وه‌زاره‌تا به‌ره‌ڤانيا بۆسنه، راگه‌هاند كو ئه‌وان 500 ته‌نێن ته‌قه‌مه‌نيان بۆ عيراقێ هنارتن دا كو ل شه‌رێ دژى داعش ب كار بينيت.
ئاژانسا ده‌نگوباسێن فرانس پرێس، پشت به‌ست ل سه‌ر راگه‌هاندنه‌كا وه‌زاره‌تا به‌ره‌ڤانيا بۆسنا كريه كو حوكمه‌تا سه‌رايڤۆ كۆژمێ 500 ته‌نێن ته‌قه‌مه‌نيان ره‌وانه‌يى عيراقێ كرينه وه‌كو پشكداريكرنا وى وه‌لاتى د شه‌رێ دژى داعش دا.
ب گۆره‌يى هه‌مان ژێده‌ر، ئه‌و پشكداريكرنا بۆسنه ل سه‌ر داخوازيا وه‌لاتێن ئێكگرتى يێن ئه‌مريكى بوويه و جۆرێ ته‌قه‌مه‌نيان ژى پێكهاتى بووينه ژ 15 مليۆن فيشه‌كێن 7.62 ملم و 400 هزار فيشه‌كێن 14.5 ملم.
سه‌رجه‌مێ ئه‌و ته‌قه‌مه‌نيێن ژ لايێ بۆسنا ره‌وانه‌يى عيراقێ كرينه، شوونا وى شه‌رى نه يێن كو د ماوێ سالا 1992 هه‌تا 1995 ل وى وه‌لاتى روودايى.
حوكمه‌تا سه‌رايڤۆ راگه‌هانديه كو بڕياره هه‌تا سالا 2020 هه‌موو وان چه‌ك و ته‌قه‌مه‌نيان ژ ناڤ ببه‌ت كو سه‌رجه‌مێ وان دبيته كۆژمێ پتر ژ 16 هزار ته‌نان.
