بوچى پانزین ل دهوكێ گرانبوویه؟
ئه‌ڤرۆ نیوز ، نه‌وزاد هلۆرى:
دماوه‌یێ 24 ده‌مژمێرێن بوورى زوترین نه‌رازیبوونێن شوفێر و وه‌لاتیان ل سنوورێ پارێزگه‌ها دهۆك هاتینه‌كرن و شه‌ڤا بورى ژى هژماره‌كا زور یا شوفێرێن ته‌كسیان و وه‌لاتیان نه‌رازیبونا خوه ل گرانبوونا په‌نزینێ دیاركر ، لژنا سوته‌مه‌نیێ ل جڤاتا پارێزگه‌ها دهۆكێ ژى دده‌تن دیاركرن كو گرانبوونا پانزینێ په‌یوه‌ندى ب هه‌رێما كوردستانێ ڤه نینه.
رزگار سدقى ژ لژنا سوته‌مه‌نیێ ل جڤاتا پارێزگه‌ها دهۆك بو ئه‌ڤرۆ نیوز گۆت: (دماوه‌یێ چه‌ند ده‌مژمێرێن بورى دا بهایێ په‌نزینێ ژ روژانێن بورى گرانتر بوویه ب شێوه‌یه‌كێ گشتى بهایێ لیترا پانزینێ دناڤبه‌را 750 بو 850 دیناران دهێته فروتن ئه‌ڤه د ده‌مه‌كێ دای كو پێشتر دناڤبه‌را 700 بو 800 دیناران دهاته فروتن)
زێده‌تر گۆت: (گرانبوونا پانزینێ چوو په‌یونده‌ى ب هه‌رێما كوردستانێ ڤه نینه به‌لكو ئێكسه‌ر په‌یوه‌ندى ب گرانبوونا په‌ترۆلێ هه‌یه ل بورسێن فروتنا په‌ترولێل بازارێن جیهانێ و ئه‌رزانبوون و گرانبوونا وێ د ده‌ستێ مه‌دا نینه).
ب گوره‌ى ئاخفتنێن ناڤبرى رۆژانه پانزینا پێدڤى دگه‌هیته پارێزگه‌ها دهۆكێ و چو قه‌یرانێن پانزینێ ل دهوكێ نینن و گۆت ژى: (جڤاتا پارێزگه‌ها دهۆك ب هه‌ماهه‌نگى ل گه‌ل كارگێریا پارێزگه‌ها دهۆك و قایمقامیا ناڤه‌ندى یا دهۆك و رێڤه‌به‌ریا سوته‌مه‌نیێ و لایه‌نێن شوله‌ژێ چه‌ندین لژنێن تایبه‌تمه‌ند داناینه بو دوڤچوون لسه‌ر هه‌موو پانزینخانان داكو پانزینێ ژ بهایێ وێ گرانتر نه‌كه‌ن و هه‌ر پانزینخانه و جهه‌كێ فروتنا پانزینێ ، پانزینێ گران بكه‌ن دێ ب توندى هێنه سزادان).
