بو جه‌ژنێ 95% ئوتێلێن كوردستانێ هاتینه گرتن
ئه‌ڤرۆ نیوز، رۆژهات لوقمان:
ده‌سته‌یا گه‌شت و گوزارى ل هه‌رێما كوردستانێ ل وێ باوه‌رێ یه كو ل رۆژانێن جه‌ژن دا هاتنا گه‌شتیاران بو هه‌رێما كوردستانێ به‌ر ب زێده‌بونێ ڤه بیت و زوربه‌یا ئوتێلێن هه‌رێمێ هاتینه گرتن بو رۆژانێن جه‌ژنێ.
نادر روستى به‌رپرسێ ده‌سته‌یا گه‌شت و گوزارێ ل هه‌رێما كوردستانێ بو ئه‌ڤرۆ نیوز راگه‌هاند: مه وه‌ك ده‌سته‌یا گه‌شت و گوزارێ ل هه‌رێما كوردستانێ هه‌مو به‌رهه‌ڤى و كارو كریار ئه‌نجام داینه ژبو وێ چه‌ندێ گه‌شتیارێن بیانى ل رۆژانێن جه‌ژنێ و پشتى هنگى به‌رده‌وام قه‌ستا هه‌رێما كوردستانێ بكه‌ن و دگه‌ل چه‌ندین كومپانیان رێكه‌فتینه تاكو گه‌شتیار به‌رده‌وام قه‌ستا كوردستانێ بكه‌ن له‌ورا ئه‌م پێشبینى دكه‌ین د ڤێ جه‌ژنێ دا هاتنا گه‌شتیاران بو هه‌رێما كوردستانێ به‌ر ب زێده‌بونێ ڤه بیت
روستى دیاركر ژى: ئه‌ڤ ساله گرتنا ئوتێلان گه‌هشیته 90% بو 95% و ئه‌ڤ چه‌نده ژى جهێ دلخوشیێ یه و نها دا گه‌له‌ك گه‌شتیار هه‌نه ل هه‌رێما كوردستانێ . “.
