بينالى يلدرم و نێچيرڤان بارزانى كۆم بوون
ئه‌ڤرۆ نيوز:
نێچيرڤان بارزانى سه‌رۆك وه‌زيرێن هه‌رێما كوردستانێ ئه‌ڤرۆ ل گه‌ل بينالى يلدرم سه‌رۆك وه‌زيرێن توركيا كۆمبوو.
يلدرم د ژمارا خوه يا تايبه‌ت يا “تویته‌ر“ى دا به‌لاڤكريه كو ئه‌ڤرۆ ل ده‌مژمێر 9:50 ده‌قيقه ل كوچكا سه‌رۆكاتيا وه‌زيران ل باژێرێ ئه‌نقه‌ره پێشوازى ل نێچيرڤان بارزانى سه‌رۆك وه‌زيرێن هه‌رێما كوردستانێ كر.
بڕياره هه‌ر ئه‌ڤرۆ نێچيرڤان بارزانى ژ لايێ ره‌جه‌ب ته‌يب ئه‌ردۆگان سه‌رۆك كۆمارێ توركيا ل كۆچكا مايه‌ين ل باژێرێ سه‌مبۆل بهێته پێشوازيكرن.
ب گۆره‌ى مالپه‌رێ “يه‌نى شه‌فه‌ق” يێ نێزيك ژ حوكمه‌تا توركيا د كۆمبوونا وه‌ڤدێ هه‌رێما كوردستان و به‌رپرسێن بلندێن توركيا دا، “په‌يوه‌نديێن ناڤبه‌را هه‌ولێر و ئه‌نقه‌ره و ئۆپه‌راسيۆنێن مووسل و شه‌رێ داعش و كه‌مپا باشيك” گه‌نگه‌شه كه‌ن.