بيڤه‌له‌رزا ئه‌ڤرۆ نێزيكى 250 قوربانيان ل پشت خوه هێلان
ئه‌ڤرۆ نيوز:
سپێده‌هيا ئه‌ڤرۆ رۆژا ئێكشه‌مبى بيڤه‌له‌رزه‌كێ ل پارێزگه‌ها كرماشان يا رۆژهه‌لاتێ كوردستانێ روودا و بۆ ئه‌گه‌رێ وێ چه‌ندێ كو پشكه‌كا زۆر ژ باژێر و باژێركێن رۆژهه‌لاتێ كوردستانێ و باشوورێ كوردستانێ ب هه‌ژينيت.
ب گۆره‌يى ناڤه‌ندا تۆماركرنا بيڤه‌له‌رزێ ل ئيرانێ، ده‌مژمێر 01:13 ده‌قيقه‌يا سپێدێ ب ده‌مێ هه‌ولێر و 02:43 ده‌قيقه ب ده‌مێ رۆژهه‌لاتێ كوردستانێ، بيڤه‌له‌رزه‌كێ ب قه‌بارێ 5.9 ل تازه‌ئاوا يا كرماشانێ روودايه.
ب گۆره‌يى ئاژانسا فه‌رمى يا ئيرانێ ژ ئه‌نجامێ بيڤه‌له‌رزێ دو كه‌سان گيانێ خوه ژ ده‌ست كو ئێك ژ وان يێ ب ناڤ سال ڤه چوويى بوو و د ژيێ 80 ساليێ دا كو ژ ئه‌گه‌رێ راوه‌ستيانا دلى بوويه و ئه‌ڤا دژى ژنه‌كا دوگيان بوويه و 241 كه‌س ژى بريندار بووينه.
