بيڤه‌له‌رزا ئه‌ڤرۆ چه‌ندين خانى هه‌رفاندن
ئه‌ڤرۆنيوز:
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌ريما كوردستانێ ل دۆر بيڤه‌له‌رزا ئه‌ڤرۆ ئێڤارى ل چه‌ندين ده‌ڤه‌رێن هه‌رێما كوردستانێ راگه‌هاند، بيڤه‌له‌رز ل ده‌مژمێر 5:10 ئێڤارى بوو كو ل دووريا 21 كيله‌مه‌تران ژهه‌له‌بجه داى ول پتريا ده‌ڤه‌رێن هه‌رێما كوردستانێ وه‌كو هه‌ولێر وسلێمانى وگه‌رميان وكه‌ركووك وچه‌ند ده‌ڤه‌رێن رۆژهه‌لاتا كوردستانێ ژى هه‌ست پێكر.
رێڤه‌به‌ريا گشتى يا كه‌شناسيێ وبيڤه‌له‌رزان د مالپه‌رێ خوه‌دا دياركريه كو هێزا وێ بيڤه‌له‌رزێ 6 پله بوو ل سه‌ر ل دووڤ بيڤه‌رێ ريخته‌ر يێ جيهانى.
ژلايه‌كێ دى ڤه فازل ئيبراهيم رێڤه‌به‌رێ گشتيێ كه‌شناسيێ وبيڤه‌له‌رزان راگه‌هاند، بيڤه‌له‌رزه‌كا دى ل ده‌مژمێر 5:40 روودا وهيزا وێ 4:9 پله بوو ل دووڤ بيڤه‌رێ ريخته‌رى وب دووريا 15 كيلۆمه‌تران ژهه‌له‌بجه و 72 كيلۆمه‌تران ژ سلێمانيێ.
ل دووڤ په‌يامنێرێ ئه‌ڤرۆنيوز ل پارێزگه‌ها هه‌له‌بجه، ژ ئه‌نجامێ بيڤه‌له‌رزا ئه‌ڤرۆ هژماره‌كا خانيێن ژ ته‌قنێ هاتينه چێكرن ل هه‌ردو گوندێن( گمه، گه‌زنه) ل پارێزگه‌ها هه‌له‌بجه يێن هه‌رفين، ده‌رز ژى يێن كه‌فتينه چه‌ندين خانيان ل سه‌نته‌رێ باژێرێ هه‌له‌بجه وناحيا خورمال.
