بڕيارا دامه‌زراندنێ بۆ 44 نوشداران ده‌ركه‌فت
ئه‌ڤرۆ نيوز:
حوكمه‌تا هه‌رێما كوردستانێ فه‌رمانا دامه‌زراندنێ بۆ 44 نوشداران ل سه‌ر ميلاكێ وه‌زاره‌تا ساخله‌ميێ ده‌ركر.
ب گۆره‌يى نڤيساره‌كێ كو رێكه‌فت حه‌مه ره‌شيد وه‌زيرێ ساخله‌ميێ ل فه‌يسبۆكى به‌لاڤكريه، نێچيرڤان بارزانى سه‌رۆكێ حوكمه‌تا هه‌رێما كوردستانێ بڕيارا دامه‌زراندنێ بۆ 44 نوشداران ل سه‌ر ميلاكێ وه‌زاره‌تا ساخله‌ميێ ده‌ركريه.
د وێ نڤيسارێ دا هاتيه كو ئه‌و 44 نوشدار ده‌رچوويێن خولا دويێ يا كولژا نوشدارى يێن زانكۆيێن دهۆك و هه‌ولێر و سلێمانيێ بۆ سالا 2016 و 2017 نه.
ئاماژه ب وێ چه‌ندێ ژى كريه كو ره‌زامه‌ندى ل سه‌ر ميلاكێ وه‌زاره‌تا ساخله‌ميێ ب ناڤونيشانێن نوشدارێن بنه‌جهێن خولاو و ب مووچه و ده‌رمالێن شايسته ل رۆژا ده‌ست ب كاربوونێ دێ بۆ هێته مه‌زاختن.
