بڕياره ئه‌ڤرۆ كۆمبوونا وه‌لاتێن زلهێزێن جيهانێ ل توركيا ب رێڤه بچيت
ئه‌ڤرۆ نيوز:
بڕياره ئه‌ڤرۆ كۆمبوونا 20 وه‌لاتێن زلهێزێن جيهانێ ل باژێرێ ئه‌نتاليا ب سه‌رۆكاتيا توركيا ب رێڤه بچيت، به‌رپرسێ وه‌لاتان ژى ئاماده‌يا ته‌مام يا خوه بۆ ڤێ مێڤانداريكرنا لوتكێ راگه‌هانديه.
مه‌ولود چاوشئۆغلۆ، جێگرێ سه‌رۆكێ ئاكپارتى د ڤێ ده‌ربارێ دا راگه‌هاند: وه‌لاتێ وى ل رۆژانێن 15 و 16ى چريا دويێ دێ مێڤانداريا مه‌زنترين كۆمبوونا لوتكێ يا 20 وه‌لاتێن زلهێز G20 ل باژێرێ ئه‌نتاليا يێ گه‌شتيارى كه‌ت و هه‌موو ئاماده‌سازى ب دووماهى هاتينه.
ره‌جه‌ب ته‌يب ئه‌ردوگان، سه‌رۆك كۆمارێ توركيا ب نوونه‌راتيا وه‌لاتێ خوه دێ سه‌رۆكاتيا كۆمبوونێ كه‌ت، بۆ ڤێ مه‌ره‌مێ ژى ئه‌ڤرۆ باراك ئۆباما، سه‌رۆكێ ئه‌مريكا گه‌هشته وى باژێرى و بڕياره به‌رى كۆمبوونێ ل گه‌ل سه‌رۆكێ توركيا كۆم بيت و دهێته چاڤه‌رێكرن هه‌ر ئێك ژ ئه‌نگێلا مێركل، شيره‌تكارا ئه‌لمانيا و ڤلاديمێر پۆتن، سه‌رۆكێ رۆسيا د ناڤا سه‌ركردێن جيهانێ دا پشكداريێ د ڤێ كۆمبوونێ دا بكه‌ن.
