بڕیارێن نوو بۆ بەلاڤکرنا چیمەنتۆی دھێنە دان
ئەڤرۆ:
وەزارەتا بازرگانی و پیشەسازیا حوکمەتا ھەرێما کوردستانێ بەلاڤکرنا چیمەنتۆی ل سەر وەلاتیان ل ھەموو پارێزگەھان رئێک دئێخیت، ھەڤدەم ل گۆر جھێ ئاکنجیبوونێ مافێ مفاداربوونێ دیار دکەت.
دوھی 9\12 وەزارەتا بازرگانی و پیشەسازی ب فەرمانەکا وەزاری بڕیار دا ژ ئەڤرۆ پێڤە وەلاتیێن ھەرێما کوردستانێ ل ھەموو باژێر و باژێرک و گوندان ژ وەرگرتنا چیمەنتوی مفادار بن، ھەروەسا تێدا ھاتیە کو ھەر وەلاتیەکێ پێنج سال ل سەر مفاداربوونا وی ژ وەگرتنا چیمەنتویێ حوکمەتێ دەرباز ببن، مافێ دووبارە وەرگرتنا چیمەنتو یێ ھەی، بۆ ھەمان ملک یان ھەر ملکەکێ دی، ھەڤدەم 150 کیلوگرام بۆ مترەکا دوجارکی ھاتینە دیارکرن کو ئەڤ رێژە بۆ ھەموو پارێزگەە و قەزا و ناحی و گوندێن ھەرێما کوردستانێ دێ وەکو ئێک بیت.
ل دۆر مافێ مفاداربوونا وەلاتیێن ئاکنجی ل ناڤ باژێران، مافێ مفاداربوونێ ھەتا 25 تەنان یێ ھەی و ئاکنجیێن قەزا و ناحیان ھەتا 29 تەنان دشێن مفادار بن و چیمەنتوی وەرگرن و ئاکنجیێن گوندان ژی ھەتا ١٥٠ تەنان مافێ ھەی چیمەنتوی وەرگرن و ئەڤ چەندە ل سەرانسەری پارێزگەھێن ھەرێمێ دێ وەکو ئێک بیت.
ئەڤە د دەمەکی دایە کو بەری نوکە 125 کیلوگرام بۆ مترەکا دوجارکی ب وەلاتیێن پارێزگەھا سلێمانیێ دھاتنە دان و ناڤ پارێزگەھان 20 تەن و قەزا و ناحیان 15 تەن و گوندان 10 تەن، بەلێ ل گۆر ڤێ بڕیارێ ھەموو وەلاتیێن کوردستانێ دێ د مفاداربوونا چیمەنتووی ئێدی وەکو ئێک بن.