بکوژێ گەنجێ باگێرا ژی ئاشکەرا بوو

ئەڤرۆ نیوز، حەمزە رەزیکى:
رائیدێ مافپەروەر ھێمن سلێمان، بەرپرسێ پەیوەندی و راگەھاندنێ ل رێڤەیبەریا پۆلیسێن دھۆکێ بۆ رۆژناما ئەڤرۆ دیارکر ل شەڤا ئەینیا بۆری پۆلیسێن پارێزگەھا دھۆکێ ھاتبوونە ئاگەھدارکرن ب ھەبوونا روودانکا خۆکوشتنا گەنجەکێ 20 سالی بناڤێ (ڕ،ف،ڕ) ل گوندێ رۆمتا سەر ب باگێراڤە و گۆت: ل دەستپێکێ ئەم ھاتینە ئاگەھدارکرن کو وی کەسی ب دەستێن خوە خوکوشتی یە، بەلێ پشتی دووڤچوون ل سەر ئەگەرێن کوشتنا وی ژلایێ پۆلیسان ھاتیە کرن دیاربوو پشتی کورخالەتێ وی دەستڤەدان ب جفتێ کری دیاربوو گولەیەک ژ دەستا دەرکەتیە و بوویە ئەگەرێ کوشتنا وی گەنجی.
دیارکر ژی تاوان ب رێيا بنگەھێ پۆلیسێن باگێرا ھاتیە ئاشکراکرن و کۆت: ئەو کورخالەتێ وی ژیێ وی 16 سالبوون و ل دووڤ بەندێن 406 یا قانوونا سزایێن عیراقی و ب بڕیارا داوەری ھاتیە دەستەسەرکرن و نوکە ل چاکسازیا سنێلانە.

کۆمێنتا تە