بۆردۆمانا سنورێن هه‌رێما كوردستانێ ژ لايێ له‌شكرێ توركيا ڤه يا به‌رده‌وامه
ئه‌ڤرۆ نيوز، فاتما مزوورى:
ژ ئه‌نجامێ بۆمبه‌بارانا فرۆكێن شه‌رى يێن وه‌لاتێ توركيا ده‌ڤه‌را برادۆست يا سه‌ر ب قه‌زا سۆران ڤه، ئاگر ب وێ ده‌ڤه‌رێ كه‌فتيه.
ئه‌ڤرۆ سپێدێ ژى فرۆكێن شه‌رى يێن وه‌لاتێ توركيا ب گرانى بنگه‌هـ و باره‌گايێن په‌كه‌كێ ل ده‌ڤه‌رێن خنێره، لۆلان، خواكورك و گه‌ليێ موخارێ يێن ده‌ڤه‌را برادۆست بۆردۆمان كرن.
ژ ئه‌نجامێ بۆمبه‌بارانێ فرۆكێن توركيا، ئاگر ب چه‌ند ده‌ڤه‌رێن برادۆست كه‌فتيه.
ئه‌ڤه د ده‌مه‌كى دايه دوهى د روونشتنا جه‌ماوه‌رى يا بانگه‌شه‌يا هه‌لبژارتنان دا سه‌رۆك كۆمارێ توركيا ره‌جه‌ب ته‌يب ئه‌ردوگان راگه‌هاند كو فرۆكێن وان دوجاران چيايێ قه‌نديل بۆمبه‌بارانكريه.
