بۆچى ئه‌وقاف ل رۆژا ژ دایكبوونا سه‌روه‌رێ پێغه‌مبه‌ران چ ئاههنگێن فه‌رمى ناگێریت؟
ئه‌ڤرۆ نیوز، سالار دوسكى
به‌رپرسێ راگه‌هاندنا ئه‌وقافا گشتى یا دهوك بۆ مالپه‌رێ ئه‌ڤرۆ نیۆز دیاركر كو ب هه‌لكه‌فتا بیره‌وه‌ریا ژ دایك بوونا سه‌روه‌رێ پێغه‌مبه‌ران ( محه‌مه‌د ) سلاڤێن خودێ ل سه‌ر بن و وه‌ك رێزگرتن بۆ گیانێ پاكێ شه‌هیدێن سه‌ربه‌رز و رێزگرتن بۆ پێشمه‌رگێن بریندار و هه‌ڤسوزیا پێشمه‌رگێن قاره‌مان یێن ل به‌روكێن شه‌رى بۆ به‌ره‌ڤانى كرنێ ژ دوزا ره‌وایا ملله‌تێ كورد و لبه‌ر جاڤ وه‌رگرتنا كاودانێن نوكه ملله‌تێ مه دا تێدا ده‌رباز دبیت ب تایبه‌ت ل پارێزگه‌ها دهوك كو چه‌ندین ئاواره ژبه‌ر كاودانێن ل ده‌ڤه‌رێن وان روى داین ل سه‌ر ده‌ستێ كرۆپێن تیرۆریست ئاواره‌بووینه ڤێ پارێزگه‌هێ، وان كومبه‌ك ئه‌نجامدا كانى چ بهێته كرن د رۆژا ژ دایكبوونا سه‌روه‌رێ پێغه‌مبه‌ران محه‌مه‌د سلاڤ ل سه‌ر بن.
مالك ره‌مه‌زان به‌رپرسێ راگه‌هاندنا ئه‌وقافا گشتى دهوك هێشتا ژى گۆت: رێڤه‌به‌ریا گشتى یا ئه‌وقاف و كارۆبارێن ئایینى ل پارێزگه‌ها دهوكێ و پشتى چه‌ندین راوێژ ل گه‌ل ئێكه‌تیا زانایێن ئایینێ ئیسلامێ و رێڤه‌به‌رێن ئه‌وقافێن قه‌زایێن ( دهوك – زاخو – ئاكرێ – شێخان – به‌رده‌ره‌ش – سێمێل – ئامێدى ) هاتینه ئه‌نجام دان چه‌ندێن رێنمایێن تایبه‌ت ب یادكرنا ژ دایك بوونا پێغه‌مبه‌رێ (محه‌مه‌د) سلاڤ لسه‌ر بن هاتنه ده‌ركرن ژ وان:
1- چ ئاههنگێن فه‌رمى نه‌هێنه گێران .
2- وتارا ئه‌ینیا هه‌ردوو حه‌فتیێن بهێت كو دكه‌ڤنه 26/12/2014 و 2/1/2015 بهێنه ته‌رخان كرن بو ڤێ یادا پیروز.
3- ساخكرنا ڤێ یادێ ب گێرانا پتر ژ ( 70 ) حه‌ڤتێ سمینارا لسه‌رجه‌م قه‌زایێن سه‌ر ب پارێزگه‌ها دهوك ڤه و زێده‌بارى هه‌لاویستنا لافیتا بڤێ یادا پیروز.
4- هه‌ر كه‌سێ بڤێت بڤێ یادا پیرۆز شرینیه‌كێ به‌لاڤ كه‌ت جهێ ده‌ست خوشیێ یه لێ ئه‌م هیڤى خازین خه‌لكێ مه یێ ئاواره بێ به‌هر نه بیت ژڤێ خێرا مه‌زن .
5- هیڤى خازین خێران وه‌ك وه‌فاداریه‌ك بو رێبازا پێغه‌مبه‌رێ ( محمد ) سلاڤێت خودێ لسه‌ر بن و گوهدارى كرنا ژییانناما پێغه‌مبه‌رێ مه سلاڤێت خودێ لسه‌ر بن سه‌ره‌دانا وان مزگه‌ڤتا بكه‌ن یێن كو سمینار بڤێ هه‌لكه‌ڤتا پیروز لێ دهێنه پێش كێش كرن .
