بۆچى وه‌زيرێن كابينا عه‌بدولمه‌هدى ناهێنه په‌سه‌ندكرن؟
ئه‌ڤرۆ نيوز:
كوتلا ساديقون، باسكێ سياسى يێ عه‌سائيب ئه‌هلولحه‌ت، ب سه‌رۆكاتيا قه‌يس خه‌ز عه‌لى، ئه‌گه‌رێ ته‌مام نه‌بوونا كابينا عادل عه‌بدولمه‌هدى و باوه‌رى نه‌دان ب وان هه‌شت وه‌زيران يێن هێشتا پۆستێن وه‌زارى ب به‌تالى ماينه ئاشكه‌را دكه‌ت.
عوده‌يى عه‌واد، په‌رله‌مانتارێ كوتلا ساديقون دبێژيت: “ئه‌و فشارا سياسى خستيه سه‌ر عادل عه‌بدولمه‌هدى، سه‌رۆك وه‌زيرێن عيراقێ بووينه ئه‌گه‌رێ پاشكه‌فتنا ته‌مام نه‌كرنا كابينا وى، چونكو سه‌رۆك وه‌زير ژ كانديدێن هنده‌ك كوتلێن سياسى يێ رازى نينه و د به‌رامبه‌ر دا چه‌ند لايه‌نه‌كێن سياسى د پێناڤى پۆستێ وه‌زاره‌تان دا د به‌رده‌وامن ل دروستكرنا فشاران”.
عه‌واد دبێژيت: “ئه‌ڤا هنده‌ك هێزێن سياسى دكه‌ن، هه‌ڤدژى رێنمايێن مه‌رجه‌عيه‌تا بلندا شيعانه كو هه‌موو ئازادى دايه عه‌بدولمه‌هدى بۆ دياركرنا وه‌زيران هه‌تا ل هه‌مبه‌ر گه‌ل و جڤاتا نوونه‌ران به‌رپرس نه‌بن”.