بۆچی كچا ئۆبامای د گۆتارا خاترخواستنا بابێ خوه دا به‌رهه‌ڤ نه‌بوو؟
ئه‌ڤرۆ نیوز:
باراك ئۆباما د مه‌راسیمه‌كێ مه‌زن دا گۆتارا خوه یا خاترخواستنێ پشتی هه‌شت سالێن سه‌رۆكاتییا ئه‌مریكا پێشكێش كر، تێدا ب چاڤێن رۆندك ڤه سۆپاسییه‌كا ب باندۆر پێشكێشی هه‌ڤژینا خوه و هه‌ردو كچێن خوه كر، هه‌روه‌سا سۆپاسییا جێگرێ خوه جۆن بایدنی ژی كر.
تشتێ سه‌رنجا خه‌لكی و میدیایێ راكێشای ئه‌و بوو كو كچا وی مالییا به‌رهه‌ڤی مه‌راسیمێ ببوو لێ كچا وی یا بچووكتر ساشا به‌رهه‌ڤ نه‌ببوو، هه‌ژماره‌كا مه‌زن یا خه‌لكی ل سه‌ر تۆرێن جڤاكی پرسیار كر بۆچی ناڤهاتی به‌رهه‌ڤ نه‌بوویه.
ل داویێ دیار بوو كو ساشایێ ئه‌زموون هه‌بوون ل قۆتابخانێ و نه دهاته پاشخستن له‌ورا نه‌چار بوو بخینیت و ئه‌زموونا خوه د ده‌مێ پێدڤی دا بكه‌ت ل شوونا ل مه‌راسیمێ سه‌رۆكێ وه‌لاتی دا ئاماده ببیت.
