بۆ ئێكه‌م جار رێیه‌ك دناڤبه‌را كۆبانێ و عه‌فرینێ دا ڤه‌دبیت
ئه‌ڤرۆ نیوز:
ئاژانسا رویته‌رزێ ژ زارده‌ڤێ ژێده‌رێن هه‌سه‌دێ راگه‌هاند: سوپایێ رژێما سووریێ ل باكۆرێ رۆژهه‌لاتێ حه‌له‌بێ دژی داعشێ پێشڤه چوو و گه‌هشته سنۆرێ هێزێن سووریا دیمۆكرات (هه‌سه‌دێ) ل ده‌ڤه‌را منبجێ نێزیكی كۆبانێ، ب ڤی ره‌نگی و بۆ ئێكه‌م جار پشتی شه‌رێ ناڤخۆ رێیه‌ك د ناڤبه‌را كۆبانێ و عه‌فرینێ دا ل رۆژئاڤایێ كوردستانێ ڤه‌دبیت كو داعش و سوپایێ ئازادێ سووریێ تێدا نه‌بن.
هه‌روه‌سا گه‌ر سوپایێ رژێمێ سووریێ پێشڤه‌چوونا خوه بپارێزیت، رێیا بازرگانی د ناڤبه‌را رۆژهه‌لاتێ سووریێ كو 70% په‌ترۆلا وی وه‌لاتی و كه‌رتێ چاندنێ لێیه و رۆژئاڤایێ سووریێ كو جهه‌كێ پیشه‌سازیێ دێ هێته ڤه‌كرن و پێكڤه هێته گرێدان، ئه‌ڤ یه‌كه ژی ل گۆری وێ یه‌كێ كا دێ په‌یوه‌ندیێن رژێم و هه‌سه‌دێ چاوا مینن.
داعشێ پشتی باژارێ بابێ ژده‌ست دا خوه ل چه‌ندین گوندێن باكۆرێ رۆژهه‌لاتێ پارێزگه‌ها حه‌له‌بێ ڤه‌كێشا، مه‌رتالا فراتی ژ ئالییه‌كێ و سوپایێ رژێمێ ژ ئالییه‌كێ دی ڤه هنده‌ك ژ وان گۆندان كۆنترۆلكرن.
