بۆ جارا ئیكێ یه هاتنا گه‌شتیاران دڤی وه‌رزی دا بگه‌هیته ڤی ئاستی
ئه‌ڤرۆ نیوز،بارزان مزووری:
بارزان محه‌مه‌د رێڤه‌به‌رێ رێڤه‌به‌ریا گه‌شت و گۆزارێ ل قه‌زا سوران بۆ ئه‌ڤرۆ نیوز گۆت: رۆژانه زێده‌تری 12 هزار گه‌شتیاران سه‌ره‌دانا جهێن گه‌شتیاری یێن بێخال و گه‌لیێ عه‌لی به‌گ و جوندیان و شه‌نگل بانێ و كوره‌ك دكه‌ن ئه‌ڤه ئێكه‌م ساله رێژا گه‌شتیاران گه‌هشتیه ڤی ئاستی.
ناڤهاتی خویاكر ئه‌و گه‌شتێن سه‌ره‌دانا جهێن گه‌شتیاری دكه‌ن پتریا وان خه‌لكێن ده‌رڤه‌ی كوردستانێ نه تایبه‌ت گه‌شتیارێن ناڤه‌راستا عێراقێ ژبه‌ر وان خونیشاندانێن عێراقێ خه‌لك بێزاربوویه دناڤ وێ ره‌وشێ دا وان دڤێت ل جهه‌كێ ئارام وه‌كۆ كوردستانێ رۆژێن خۆ بورینن ، پێشبینی دهێته كرن كۆ رێژا گه‌شتیاران دوو هنده زێده‌تر بیت ژبه‌ركۆ پشویا ناڤه‌ندێن خوێندنێ ل سه‌رانسه‌ری عێراقێ دێ ده‌ست پێ كه‌ن هاتنا گه‌شتیاران دێ زێده‌تر بیت مه هه‌موو به‌رهه‌ڤی بۆ وێ پێلا گه‌شتیاران یێن ئه‌نجام داین ئه‌و جهێن گه‌شتیاری یێن رێكێن وان ژبه‌ر به‌فرێ هاتینه گرتن تیمێن رامالینا به‌فرێ ئه‌و رێك هه‌موو ڤه‌كرینه ب شێوه‌یه‌كێ ئاسایی خه‌لك هاتن و چونێ لێ دكه‌ت.
