بۆ جارا ئێكێ دديرۆكا خوه دا كرواتيا بۆ ياريا دووماهيا مونديالێ
ئه‌ڤرۆنيوز:
هه‌لبژارتيێ كرواتيا د ياريا به‌رى دووماهيێ ژ قاره‌مانيا جيهانێ ل رووسيا شيا ب سه‌ركه‌ڤيت ل سه‌ر هه‌لبژارتيێ ئينگلته‌را ب ئه‌نجامێ 2-1 و بگه‌هيته ياريا دووماهيێ كو دێ ل رۆژا ئێكشه‌مبى ل به‌رامبه‌ر هه‌لبژارتيێ فره‌نسا ئه‌نجام ده‌ت.
د خۆله‌كا پێنجێ ژ ياريێ هه‌لبژارتيێ ئينگلته‌را پێش كه‌فت ب گۆله‌كێ كو ژلايێ ياريكه‌ر كيران تريبير هاته تۆماركرن، به‌لێ ئيڤان بريسيتش گۆلا وه‌كهه‌ڤيێ بۆ هه‌لبژارتيێ كرواتيا ل خۆله‌كا 68 تۆماكر وپشتى يارى ب وى ئه‌نجامێ 1-1 ب دووماهى هاتى. دادڤانى په‌نا بره هه‌ردو گێمێن زێده‌كرى كو تێدا كرواتيا شيا گۆلا دويێ وسه‌ركه‌فتنێ ل خۆله‌كا 108 دا تۆماربكه‌ت ب رێيا ياريكه‌ر ماريو ماندزوكيتش.