بۆ جارا ئێكێ نشته‌رگه‌ريه‌كا چاندنا ئه‌ندامێ نێرينه هاته ئه‌نجام دان
ئه‌ڤرۆ نيوز:
نوشدارێن پشكداريى د نشته‌رگه‌ريه‌كێ دا كرى ل ژێريا ئه‌فريقيا راگه‌هاند كو ئه‌و شيانا ئه‌ندامه‌كێ نێرينه بۆ گه‌نجه‌كى بدانن و نشته‌رگه‌رى ب سه‌ركه‌فتيانه هاتيه ئه‌نجام دان و دبيته نشته‌رگه‌ريا ئێكێ ل جيهانێ ژ ڤى ره‌نگى سه‌ركه‌فتنێ د ئينيت.
نشته‌رگه‌رى ل باژێرێ كيپ تاون ل 21ى كانوونا ئێكێ ل سالا 2014ێ بۆ گه‌نجه‌كێ 21 سالى هاته كرن كو 10 ده‌مژمێران ل سه‌ر ئێك ڤه‌كێشا، پشتى ل ده‌مێ سه‌نتكرنێ ئه‌ندامێ وى يێ نيرينه ژ كار كه‌فتى ژ ئه‌نجامێ خه‌له‌تيه‌كێ د سنه‌تكرنێ دا.
به‌رى نوكه نشته‌رگه‌ريه‌كا ژ ڤى ره‌نگى ل چينێ ل سالا 2006ێ هاتبوو كرن، به‌لێ له‌شێ وى گه‌نجى ب تنێ 10 رۆژان پشتى نشته‌رگه‌ريێ كار ل گه‌ل ئه‌ندامێ وى يێ نێرينه كر، به‌لێ ب گۆره‌يى نوشداران ئه‌ڤ نشته‌رگه‌ريه يا سه‌ركه‌فتى يه ژ به‌ر كو ئه‌ڤ گه‌نجه ژيانا خوه ب ره‌نگه‌كێ ئاسايى د بۆرينيت و په‌يوه‌نديێن سكسى ژى نورمال دكه‌ت.
