بۆ جارا ئێکێ روسیا ھەلویستێ خوە ل دۆر عەفرینێ ئاشکرا کر
ئەڤرۆ نيوز:
پشتی کەفتنا عەفرینێ ھەتا نھا روسیا ھەلویستەکێ وەسا ئاشکرا نەبوو، لێ دوھی جێگرێ وەزیرێ دەرڤە یێ روسیا سیرگێی ڤیرشینین بۆ ئاژانسا سپۆتینگ یا روسیا ئاخڤی و دیار کر کو بەری تورکیا ھێرشی عەفرینێ بکەت چەندین جاران ھەڤدیتن ل گەل روسیا کر و تورکیا دگۆت ترسا مە ژ تیرۆرێ یە و مە نەڤێت ل سەر سنۆرێ مە ئالۆزی ھەبن و تیرۆرست ھێرشی مە بکەن، ژ بەر ھندێ ژی روسیا رازی بوو کو تورکیا عەفرینێ کۆنترۆل بکەت و گۆت: (نھا ئەم و تورکیا ل دۆر پاشەرۆژا سووریێ و شەرێ ل دژی تیرۆرێ پێکڤە کار دکەین).
ناڤبری ئەو یەک ژی دیار کر کو دەمێ رەوشا سووریێ ئارام بیت وی دەمی پێدڤی ب مانا ھێزێن تورکیا ل عەفرینێ و دەڤەرێن دی یێن سووریێ ناکەت.
