بۆ دابینكرنا موچێ وه‌لاتیان، ئه‌زێ به‌رهه‌ڤم هه‌موو رۆژان بچمه به‌غدا
ئه‌ڤرۆ نیوز:
نێچیرڤان بارزانى سه‌رۆكێ حوكمه‌تا هه‌رێما كوردستانێ راگه‌هاند كو بۆ چاره‌كرنا كێشا مووچێن فه‌رمانبه‌رێن هه‌رێما كوردستانێ ئه‌و یێ به‌رهه‌ڤه هه‌موو رۆژه‌كێ سه‌را به‌غدا بده‌ت.
نێچیرڤان بارزانى دبێژیت: كێشا مه‌زن یا مه ل گه‌ل به‌غدا ئه‌وه كو ئه‌و دخوازن كێشان دروست، بكه‌ن.
سه‌رۆكێ حكومه‌تا هه‌رێما كوردستانێ ئاماژه ب وێ یه‌كێ كر كو نابیت به‌غدا رێژا هنارتنا نه‌فتا هه‌رێمێ رۆژانه بهژمێریت، و گۆت: دێ د سه‌ره‌دانا خوه‌دا پێشنیاز كه‌ین كو به‌غدا هه‌ر سێ هه‌یڤا جاره‌كا هنارتنا نه‌فتا ئه‌م راده‌ستى سومو دكه‌ین بهژمێریت”
بریاره رۆژا ئێكشه‌مبى نێچیرڤان بارزانى بچیته به‌غدا و ل دۆر گیروبوونا بودجێ هه‌رێمێ و كێشا نه‌فتێ ل گه‌ل حه‌یده‌ر عه‌بادى كومببیت.
ژێده‌ر : رووداو
