بۆ دانا مووچه‌ى، سيسته‌مێ بايۆمه‌ترى كه‌فته كارى
ئه‌ڤرۆ نيوز:
سه‌مير هه‌ورامى ئاخفتنكه‌رێ سيسته‌مێ بايۆمه‌ترى و سكرتێرێ رۆژنامه‌ڤانى يێ قوباد ته‌له‌بانى، جێگرێ سه‌رۆك وه‌زيرێن هه‌رێما كوردستانێ بۆ رووداو گۆت: “مووچێ هه‌يڤا 10 يێ فه‌رمانبه‌ران دێ ل سه‌ر سيسته‌مێ بايۆمه‌ترى هێته به‌لاڤكرن و د قووناغا ئێكێ دا، هه‌ر فه‌رمانبه‌ره‌كێ مه‌ده‌نى و خوه تۆمار نه‌كربيت، مووچێ وى دێ هێته راگرتن، د قووناغا دوويێ دا خانه‌نشين و كه‌رتێ له‌شكرى ژى هه‌كه خوه تۆمار نه‌كربيت، دێ مووچه هێته راگرتن”.
ئاخفتنكه‌رێ سيسته‌مێ بايۆمه‌ترى ئاشكه‌را ژى كر كو نێزيكى هزار فه‌رمانبه‌رێن مه‌ده‌نى ژ به‌ر هه‌ر ئه‌گه‌ره‌كى خوه تۆمار نه‌كريه، ده‌رباره‌ى چاره‌نڤيسێ وان گۆت: “دڤێت جڤاتا وه‌زيران بڕياره‌كا تايبه‌ت بۆ ده‌ربكه‌ت، چونكو ب گۆره‌ى بڕيارا ژماره 111 يا جڤاتا وه‌زيران تۆماركرنا فه‌رمانبه‌رێن مه‌ده‌نى هاتيه راگرتن”.
