بۆ شەڕێ مووسل پێشمەرگەی پێدڤی بڕیارا پەرلەمانیە
ئەڤرۆ نیۆز، قائید میرۆ:
ئەندامەکێ لیژنا پێشمەرگەی ئاشکراکر، پێدڤیە پەرلەمانێ کوردستانێ بڕیارێ لسەر پشکداریا پێشمەرگەی د ئازادکرنا مووسلدا بدەت.
قادر رەزگەیی، ئەندامێ لیژنا پێشمەرگەی لپەرلەمانێ کوردستانێ ب ئەڤرۆ نیۆز راگەھاند” بەردەوام ھەماھەنگیا سەربازی دناڤبەرا ھەولێر و بەغدا دا ھەبوویە بتایبەتی بۆ بەرەنگاربوونا تیرۆرستێن داعش، بەلێ پێدڤیە ھەرێم ھەمبەر پشکداریکرنا پێشمەرگەی د شەڕێ کۆنتڕۆلکرنا مووسلدا داخوازا مافێن پێشمەرگەی بکەت.
رەزگەیی گۆتژی” پشکداریا ھێزا پێشمەرگەی د شەڕێ ئازادکرنا مووسل پێدڤی ب رەزامەندیا پەرلەمانێ کوردستانێ ھەیە، ژبەرکو مووسل کوردستان نینە و سنورێ دەرڤەی ھەرێما کوردستانێ یە، پەرلەمانژی رۆنشتنێن خوە راگرتینە و نابیت پێشمەرگەی بێی پەرلەمانی بچیتە شەڕێ مووسل.
