په‌رله‌مانتاره‌كێ به‌سرا: بارزانى و عه‌بادى يێ ل سه‌ر ده‌وله‌تا كوردستانێ رێ كه‌فتين
ئه‌ڤرۆ نيوز:
په‌رله‌مانتاره‌كێ بێ لايه‌ن يێ پارێزگه‌ها به‌سرا راگه‌هاند كو رێكه‌فتنێن نه‌يێن راگه‌هاندنى د ناڤبه‌را عه‌بادى و بارزانى دا يێن هاتينه ئه‌نجام دان ل به‌غدا.
محه‌مه‌د تائى په‌رله‌مانتارێ سه‌ربه‌خۆ ل سه‌ر پارێزگه‌ها به‌سرا د په‌يجێ خوه يێ تايبه‌تێ فه‌يسبۆكى دا راگه‌هاند كو هنده‌ك رێكه‌فتن يێ د ناڤبه‌را حه‌يده‌ر عه‌بادى سه‌رۆك وه‌زيرێن عيراقێ و مه‌سعود بارزانى سه‌رۆكێ هه‌رێما كوردستانێ دا هاتينه كرن به‌لێ نه‌هاتينه راگه‌هاندن ژ وان ژى “ب ره‌نگه‌كێ ده‌سپێكى يێ ل سه‌ر ده‌وله‌تا كوردستانێ رێكه‌فتين”، هه‌ر ديسا دايه زاينن “دێ رێكه‌فتنه‌كا نوو د ناڤبه‌را پارتى و هنده‌ك لايه‌نێن هه‌ڤپه‌يمانيا نشتيمانى وه‌كو جڤاتا بلند و ده‌عوه لايه‌نێ سه‌رۆك وه‌زيرى و ته‌ڤگه‌را سه‌در به‌لێ ب مه‌رج هێته كرن.
تائى دايه زانين ژى كو ئه‌ڤ هه‌ڤپه‌يمانيه نامه‌كا ب هێزه بۆ لايه‌نێن هه‌ڤدژ كو دێ هه‌ڤپه‌يمانيا نوو يا كاريگه‌ر بيت و دێ ب مه‌رج هه‌ڤسه‌نگيێن نوو دروست كه‌ن ب ره‌نگه‌كێ به‌رچاڤ دێ كونترۆلێ سه‌ر ئه‌ردى كه‌ن.
ل دووماهيێ ژى داخواز ژ لايه‌نێن سياسى و ده‌زگه‌هێن راگه‌هاندنێ كر كو ئه‌ڤان به‌لگان ئاشكه‌را بكه‌ن و رێگريێ ل ڤان ره‌نگه كاران بكه‌ن.
