بۆ ماوێ 24 ده‌مژمێرا هه‌موو ده‌روازێن بۆ نه‌ینه‌وا دهێنه گرتن
ئه‌ڤرۆ نیوز، بارزان مزووری:
ره‌فعه‌ت سمۆ ره‌شۆ جێگرێ پارێزگارێ نه‌ینه‌وا بۆ كارۆبارێن كارگێری بۆ ئه‌ڤرۆ نیوز گۆت: (ئه‌ڤرۆ سپێدێ رێكکه‌فتی 8/3/2020 ل دووڤ بریارا پارێزگارێ نه‌ینه‌وا بریار هاتیه دان بۆ ماوێ 24 ده‌مژمێرێن بهێت هه‌موو ده‌روازێن دهێنه دناڤ پارێزگه‌ها نه‌ینه‌وا بهێنە داخستن ل سه‌ر وه‌لاتیان و بازرگانێن كه‌لوپه‌لا ره‌وانه‌ی پارێزگه‌ها نه‌ینه‌وا دكه‌ن ژ بۆ رێگرتن ژ ڤایرۆسا كورونا بۆ ناڤ سه‌نته‌رێ باژێری چو ده‌روازه نامینه ڤه‌كری هه‌موو دهێن داخستن ب كونكریتی بۆ ماوه‌یه‌كێ نه‌دیار).
ناڤهاتی خویاكر پشتی ئه‌ڤ ده‌وازه بهێنە داخستن دێ زیانێن مه‌زن ب وه‌لاتیێن پارێزگه‌هێ كه‌ڤن ژلایێ ئابووری ڤه ژ به‌ر كو وه‌كو پێدڤی وه‌لاتیێن نه‌ینه‌وا به‌رهه‌ڤی بخۆ نه‌كربون بۆ هه‌لگرتنا كه‌ل و په‌لێن خارنێ،دیسان هزاره‌ها فه‌رمانبه‌رێن نه‌ینه‌وا ده‌وامێ دكه‌ن ل هه‌رێمێ ئاكنجینه دێ زیان ب ده‌واما وان كه‌ڤیت.
ناڤهاتی گۆت: (هه‌رچه‌نده هه‌تا نها چ حاله‌تێن ڤایرۆسێ كورونایێ نه‌هاتینه توماركرن به‌لێ ئه‌ڤرۆ سپێدێ كه‌سه‌كی سه‌ره‌دانا ئاڤاهیێ پارێزگه‌ها نه‌ینه‌وا دا ل په‌رستگه‌هێ ب ئامیرێ كورونا پشكنین بۆ هات كرن پلا گه‌رماتیا وی یا بلند بۆ ئێكسه‌ر هات ڤه‌گوهاستن بۆ نه‌خوشخانا تایبه‌ت هاتیه ڤه‌كرن بۆ پشكنینێن ب وی ڤایرۆسی ڤه گرێدای به‌لێ نیشانێن ب دروستی یێن ڤی ڤایرۆسی لێ دیار نینن).
