بۆ هنارتنا مووچێن كوردستانێ فشاره‌كا مه‌زن ل سه‌ر عه‌بادى يا هه‌ى
ئه‌ڤرۆنيوز:
جێگرێ سه‌رۆكێ فراكسيۆنا پارتى ل جڤاتا نوونه‌رين عيراقێ راگه‌هاند، فشاره‌كا نێڤده‌وله‌تى وناڤخوه‌يى يا مه‌زن ل سه‌ر حه‌يده‌ر عه‌بادى يا هه‌ى بۆ هنارتنا مووچێن خه‌لكێ هه‌رێما كوردستانێ.گ
شاخه‌وان عه‌بدوللا جێگرێ سه‌رۆكێ فراكسيۆنا پارتى ل جڤاتا نوونه‌رين عيراقێ، ل دۆر هاتنا شانده‌كێ عيراقى بۆ هه‌ولێرێ ب سه‌رۆكاتيا مه‌هدى عه‌لاق ئه‌ميندارێ گشتيێ سه‌رۆكاتيا وه‌زيرێن عيراقێ وعه‌قيل خه‌زعه‌لى بريكارێ وه‌زاره‌تا ناڤخوه‌يى كو نوكه ل هه‌ولێرێ نه، بۆ باسنيوز گۆت” ئه‌و دو كه‌سه ژ نڤيسينگه‌ها عه‌بادى نه وسه‌ره‌دانا وان پتر يا سياسى يه، چونكى نوكه فشاره‌كا مه‌زن يا ل سه‌ر حوكمه‌تا عيراقێ دروست بووى كو دڤان ئێك دو هه‌يڤان دا هنارتنا مووچه‌ى وهنده‌ك پاران بۆ هه‌رێما كوردستانێ ئێكلا بكه‌ت”.
