بۆ وێ‌ دەمژمێرێ‌

بۆ وێ‌ دەمژمێرێ‌

23

ئیبراهیم بەرواری

ئاخفتنەك دگەل ئەو دەمژمێرا ل بیابانا سەماوا دناڤ گۆڕێن ئەنفالكریێن كوردستانێ دا هاتی دیتن..

ئەگەر تە هەبا ئەزمان
دا بۆ مە چ بێژی و ڤەهی
بێنا تە بێنا كوردان
بۆ چی رەنگێ تە بەهی
تو هوسا ل وێرێ بێ خودان
كا ئەو دەستێ تێ دا د هەژی
میلیێن تە بۆ چی راوەستیان
ئاسنی یان گوشت و بەزی
دناڤ میلیێن تە خەمەكا گران
رۆندك یێن لێ پەشی
دەما قیژیا وان زارۆكان
ئەرێ میلیێن تە نە د گەزی
تە چ دیت ل وان دران
باخڤە نێ هیشتا تو نە كەتی
قیژ قیژا زارۆكێن شێران
بێژە چاوا بوو هەی بێ مەژی
سۆر و شین و زەر جلكێن وان
ماینە هێشتا نە بووینە رەژی
پشتی بۆرینا چەند سالان
تو هەر گەنج خورت و گەشی
خوینا ڤان بێ گونەهان
گەرما سەماوە چاوا پێ تەزی؟!