بیڤه‌له‌رزه‌كێ چه‌ند باژێرێن هه‌رێمێ هه‌ژاندن
ئه‌ڤرۆ نیوز، نه‌وزاد هلۆرى:
ژێده‌رێن میدیایێن ئیرانى دیاركرن كو ئه‌سپێده‌يا زوو يا ئه‌ڤرۆ ئێكشه‌مبى 26/8/2018 بیڤه‌له‌رزه‌كێ ل ئیرانێ دایه و 140 كه‌س ب كێمى بریندار بوووینه و ب ئه‌گه‌را بیڤه‌له‌رزا ئیرانێ، ل پتريا باژێرێن هه‌رێما كوردستانێ هه‌ست ب هێزا وێ هاتیه‌كرن.
ب گۆره‌ى كه‌نالێ Press-TV یێ ئیرانى ئه‌ڤرۆ د بیڤه‌له‌رزا ئیرانێ دا كه‌سه‌كێ گیانێ خوه ژ ده‌ستدایه و 140 كه‌سێن دى ژى برینداربووینه و به‌لاڤكر: (بیڤه‌له‌رزا ئه‌ڤرۆ هێزا وێ 6،1 ب گۆره‌ى پیڤه‌رێ رێخته‌ر يێ جيهانى بوویه و رۆژئاڤا ئیرانێ ب خوه‌ڤه گرتیه).
ده‌سته‌یا جيولۆجیا ئه‌مریكى د رۆهنكرنه‌كێ دا دیاركر كو كووراتیا بیڤه‌له‌رزێ 8،3كم بوویه و ب دووراتیا 31 كم رۆژئاڤا باژێرێ كرماشان یا باكوورێ كوردستانێ هه‌ژاندیه.
ل دووڤ پێزانينان ب ئه‌گه‌را بیڤه‌له‌رزا ئیرانێ ، چه‌ندين ده‌ڤه‌رێن عیراقێ ژى ب هێزا 5،7 پله‌یا رێخته‌ر هه‌ژاندیه ب تایبه‌تى سنورێ پارێزگه‌هێن سلێمانيێ و هه‌ولێرێ و دهۆكێ و كه‌ركوكێ و دیالا وه‌لاتیێن به‌غدا ژى هه‌ست ب لڤینا ئه‌ردى كریه.
