بێخاڵ: ئێکەما کوردستانێ بو ئەڤرۆ نیوز د ئاخڤیت و بەحس ل ژیانا خوە دکەت
ئەڤرۆ نیوز ، نەوزاد ھلۆری:
پشتی کو وەزارەتا پەروەردێ یا حکومەتا ھەرێما کوردستانێ ئەڤرۆ ئێڤاری ل ئوتێل دیڤان ل ھەولێر ئەنجامێن تاقیکرنێن رێزا 12ێ ئامادەیی راگەھاندی کچەکا پارێزگەھا دھۆک کو کچا شەھیدەکێ شەرێ داعشێ یە بۆ ئەڤرۆ نیوز بەحس ل چەند نھێنیەکێن ژیانا خوە دکەت.
بێخال نەعمان کچا شەھید نەعمان ھەرکی دیارکر کو ئەوێ پێشبینیا وێ یەکێ دکر کو دێ بیتە ئێکەما ھەرێما کوردستانێ و بۆ ئەڤرۆ نیوز گۆت: (ب ھەڤکاریا دایک و خوشک و برایێن خوە ئەز شیام رۆژانە زێدەتری 15 دەمژمێران بخوینم و خوە دویری ھەموو تورێن جڤاکی بکەم و سەرێ خوە و یێ خوشک و برا و ماموستایێن خوە بلند بکەم و دلخوشیەکێ بدەم گورێ بابی َخوەیێ شەھید کوھەردەم ھەڤکار و پشتەڤانێ من بوویە ب تایبەتی دخواندنێ دا)
زێدەتر گۆت: ( سەرەرای کو ئەز د مالەکا ھەژار و کێم دەرامەت دا دژیم ب ھوڤیا موچەیێ بابێ خوەیێ شەھید و برایێ خوەیێ پێشمەرگەمە ، بەلێ سوپاس بو خودێ ھەژاری نەبوویە سەدەم کو دویر بکەڤم ژ خواندنێ و رازیمە ژ ھەر قەدەرەکی َخودێ ب رزقێ مە کربیت و سەربلندم کو کوردم )
بێخال کو کچا شەھید نەعمان ھەرکی یە ددرێژاھیا ئاخفتنێن خودا دیارکر ژی کو ئەو دخێزانەکێ دا دژیت ژ چوار خوشک و سێ برایان پێکدھێت و خوشک و برایێن وێ ھەموو قوتابی و دەرچونە و گۆت ژی : (دخوازم کو حکومەتا ھەرێما کوردستانێ ل ئاست ماندوبونا مە بێدەنگ نەبیت و مە فرێبکەتن دەرڤەیێ کوردستانێ ژبەرکو ھەموو ھیڤی و ئومێدێن من ئەون کو ئەز پشکا زمانێ ئینگلیزی بخوونم ل وەلاتەکێ جیھانێ مینا بەریتانیا)
ل بارا پرسا ریفراندۆم و سەربخویی یا ھەرێما کوردستانێ کو وەسا بریارە 25 ئیلونێ بھێتە ئەنجامدان ، بێخالێ گوت: ( بابێ من دپێناڤ سەربخویی و گەھشتن ب دەولەتبوونێ ل ناحیا زومار ل سەنگەرێن بەرەڤانیا کوردستانێ شەھیدبوویە ، ژبەرڤێ ئەز و ھەموو مالاخوە دخوازین کو گەلێ کورد و لایەنێن سیاسی پێکڤە و ب ئێک دەنگ پشکداریێ د سەرئێخستنا ریفراندۆمێ بکەن و بو ھەموو دوژمن و جیھانێ دیار بکەن کو کورد ب ھێزن و دخواز ببمە دەولەت ، و دیسان دخوازم کو گەلێ کورد سەرەرای ھەموو کێماسیان ژی ب گەرما و گەرم پشکداریێ د ریفراندۆمێ بکەن و ب بەلێ دەنگ بو بدەن)
بێخال ل سالا 1994 ل ھەولێر ژ دایکبویە و ل تاخێ کوچینە ل سەنتەرێ قەزا ئاکرێ ئاکنجیە و ئەڤ سالە وەکو قوتابیا رێزا ١٢ێ ل قوتابخانا سوسنا یا ئامادەیی دخواند و شیارێزا ئێکێ دەستخوڤە بینیت.
