بێهنڤەدانا فەرمی هاتە درێژکرن
ئەڤرۆ نیوز:
سەرۆکێ حوکمەتا هەرێما کوردستانێ ب رێیا ڤیدیو کۆنفرانسەکێ ل گەل ئەنجوومەنێ وەزیران کۆمبوو و د کۆمبوونێ دا بەحسێ رەوشا هەرێما کوردستانێ ب تایبەتی ژی قۆناغا نها هاتە کرن و هاتە راگەهاندن دڤێت بۆ پاراستنا وەلاتیان ژ ڤایرۆسێ کۆرۆنا پێگری ب رێنمایان بهێتە کرن.
هەر د کۆمبوونێ دا بەحسێ رەوشا ژیانا وەلاتیان ژی هاتە کرن و بەحسێ هندێ هاتە کرن دڤێت ب هەموو رەنگەکێ کار بۆ هندێ بهێتە کرن دا بارگرانیا نها ل سەر وەلاتیان سڤک ببیت.
هەر د کۆمبوونێ دا بریار هاتە دان کو بێهنڤەدانا فەرمی یا دەم و دەزگەهێن حوکمەتا هەرێما کوردستانێ هەتا ٢ ئایارێ بهێتە درێژکرن.
