بێى ده‌ستووريا ده‌زگه‌هێن ئه‌منى ئاوارێن مووسل ناچنه ناڤ باژێران
ئه‌ڤرۆ نيوز:
ئەندامەکا لژنا نافخۆیا پەرلەمانێ کوردستانێ دیارکر، رێ ناھێتەدان ئاوارەیێن مووسڵ بھێنە ناڤا خەلکێ کوردستانێ و ل نێزیک سەنگەرێن پێشمەرگەی جھێ وان ھاتیە دیارکرن تێدا ئاکنجیببن، ھەروەسا دەزگەھێن ئەمنی دشێن مۆلەتا دەرچوونێ بدەنە وەلاتیێن ئاوارە بۆ کارێ پێدڤی.
ئاواز حەمید ئەفەندی، ئەنداما لژنا نافخۆیا پەرلەمانێ کوردستانێ بۆ رۆژناما ئەڤرۆ گۆت: “ب ئەگەرێ دەسپێکرنا شەڕێ ئازادکرنا باژێڕێ مووسل پێشبینی دھێتەکرن ھژمارەکا ئێکجار مەزن یا ئاوارەیێن مووسڵ بەرەڤ ھەرێما کوردستانێ بھێن و کەمپێن تایبەت بۆ ھاتینە ئاڤاکرن، ئەفجارە رێ نادەن ئاوارە تێکەلی خەلکی ببن و ب ئارەزوویا خوە بکەڤنە ناڤا باژێڕێن ھەرێما کوردستانێ چو ئاوارەیەک ناھێتە ناڤ خانیان تنێ دشێن جھێن بۆ ھاتینە دیارکرن تێدا ئاکنجی ببن ئەڤە ژی دکەڤنە دەرڤەی سنورێ حوکمەتێ و ل نێزیک سەنگەرێن پێشمەرگەی جھێ وان ھاتیە دیارکرن”.
ئاوازێ گۆتژی”تنێ دەزگەھێن ئەمنی دشێن رێ بدەنە وان ئاوارەیێن پێدڤی ھەبیت ل کەمپا بچیتە دەرڤە، ئەو ژی دێ مۆلەت بۆ ھێتە چێکرن، بەری نوکە ئەز دگەل ھەیڤا سۆرا جیھانی ئاخفتیمە و مە داخوازا ھاریکاریێن پترکریە بۆ ھەرێما کوردستانێ، چونکی دڤێ قەیرانێ دا حوکمەتێ شیانێن حەواندنا ئاوارەیێن مووسل نینە و ھەڤکاریا ئاژانسێن بیانی و حوکمەتا فیدڕال ژی وەکو پێدڤی نینە و سنوردارن”.
