بەحس ل پلانا ڤەگەراندنا ئاواران بۆ جھێن وان دهێته كرن
ئه‌ڤرۆ نيوز:
ئەڤرو سپێدێ 21-5-2018 بەرێز فەرھاد ئەمین ئەتروشی پارێزگەرێ دھوکێ پێشوازیا خانم(مونیکا نورو) بەرپرسا رێکخراوا UNHCR ل ھەرێما کوردستانێ وشاندێ دگەلدا کر.
دھەڤدیتنەکێ دا ب ئامادەبونا بەرێز اسماعیل محمد احمد ھاریکارێ پارێزگەری بو کاروبارێن ئاوارە وپەنابەران بەحسێ رەوشا ئاوارە وپەنابەران ل سنورێ پارێزگەھا دھوکێ وئەو خزمەتکاریێن پارێزگەھا دھوکێ وسازیێن مروڤایەتی پێشکێشی وان دکەن لناڤ ودەرڤەی کەمپان وپێدی وکێم وکاسیێن وان ب گشتی ھاتە کرن.
دتەوەرەکێ دن دا بەحسێ پلانا ستراتیجیا سالا بھێت یا رێکخراوا UNHCR ھەمبەر ئاوارە وپەنابەران وچاوانیا ھاریکاریکرنا وان نەخاسمە پلانا ڤەگەراندنا وان بو سەر جھێن وان ھاتە کرن.
پارێزگەرێ دھوکێ دەست خوشی ل رێکخراوا UNHCR وھەموو سازیێن نیڤ دەولەتی ئو وان لایەنان کر یێن ل ڤان سالێن بوری ھاریکاریا ئاوارە وپەنابەران ل سنورێ پارێزگەھێ کری وخواست کو ھەموو لایەن دبەردەوامبن ل سەر وان ھاریکاریا بو پتر باشکرنا رەوشا ئاوارە وپەنابەران وپشتەڤانیا کارگێریا پارێزگەھێ نیشان دا بو بجھئینانا پلانا نووی یا سرتجیجی یا رێکخراوا UNHCR ھەمبەر ئاوارە وپەنابەران .
ھەژی گوتنێ یە نێزیکی 700 ھزار پەنابەر وئاوارە ل سنورێ پارێزگەھێ ھەنە ژمارەکا وان لناڤ پتر ژ22خیڤەتگەھا دژین ویێن دی ل جھێن جودا ل سنورێ پارێزگەھێ ژیانا خو دەربازدکەن.