بەرپرسێ لقێ شێخان یێ ئێکەتیا زانایێن ئایینێ ئیسلامێ ھاتە گوھۆڕین
ئەڤرۆ نیوز، بارزان مزووری:
د رێورەسمەکێ دا ئەڤرۆ نیڤرۆ ب بەرھەڤبوونا شاندەکێ ئێکەتیا زانایێن ئایینێ ئیسلامێ ب سەرپەرشتیا دکتۆر (عەبدوللا ئەلوەیسی) سەرۆکێ ئێکەتیا زانایێن ئایینێ ئیسلامێ ل ھەرێما کوردستانێ ل قەزا شێخان، بەرپرسێ لقێ شێخان یێ ئێکەتیا زانایێن ئایینێ ئیسلامێ ھاتە گوھۆڕتن.
مافپەروەر رەجەب ئەحمەد، کارگێرێ لقێ شێخان یێ ئێکەتیا زانایێن ئایینێ ئیسلامێ بۆ ئەڤرۆ نیوز گۆت: “د کۆنگرەیێ ئێکەتیا زانایێن ئایینێ ئیسلامێ دا، ئەوێ ل سالا بۆری ھاتیە ئەنجامدان ئێک ژ بەربژارێن لقێ شێخان یێ ئێکەتیا زانایان بناڤێ (مەلا سەعید مەجید) ٨٣ دەنگ ئینان، بەلێ دەست بکارنەبوو وەکۆ بەرپرسێ لقێ، ژ بەر چەند ئەگەرەکا د نھا دا بڕیار ھاتەدان کو وەکو بەرپرسێ لقێ شێخان یێ ئێکەتیا زانایێن ئایینێ ئیسلامێ دەست بکار بیت”.
ناڤھاتی خویا ژی کر، بەرپرسێ بەرێ بناڤێ مەلا (عەبدی بەرەکات) ئەڤە دەمێ حەفت سالایە بەرپرسێ لقێ بۆ د شەرێ داعش دا رۆلەکێ باش ھەبوو ژ بۆ ھشیارکرنا وەلاتیان ژ ھزرێن توندرەو یێن رێکخراوا تیرۆرستی یا داعش.