بەرپرسێ لقێ: ل دووڤ راسپاردێن سەرۆک بارزانی ئەم خزمەتا مالباتێن شەھیدان دکەین
ئەڤرۆ نیوز:
سەربەست تروانشی، ئەندامێ جڤاتا سەرکردایەتیا پارتی و بەرپرسێ لقێ ئێکێ پارتی دیموکراتی کوردستان ب ئامادەبوونا بەرپرسێ نڤیسینگەھا جڤاکی و کاروبارێن شەھیدان ل لقێ ئێک ئەڤرۆ ٢٧/٥/٢٠١٩ ل سنوورێ لیژنا ناوچا بەرخودان دگەل ھژمارەکا بەرچاڤ یا مالباتێن شەھیدان کومبوو و بەرپرسێ لقێ ھاریکاریێن دراڤی ل سەر وان پارڤەکرن.
ل دووڤ وی بەرنامێ لقێ ئێکێ پارتی داڕێژتی، بەرپڕسێ لقێ گوت: “ئەڤ خزمەتا ئەم پێشکێشی مالباتێن شەھیدان دکەین، ل دووڤ شیرەت و راستپاردێن جەنابێ سەرۆک مەسعود بارزانی نە ژ بۆ خوەشکرنا ژین و ژیارا مالباتێن شەھیدان”.
بەرپرسێ لقێ ئاماژە دا وێ چەندێ ژی کو د ناڤ ھەر میللەتەکی دا ھندەک مرۆڤێن ژێگرتی ھەنە و خودان سیفەتێن تایبەتن، ئەو ژی ئەو کەسن یێن بۆ ب دەستڤەئینانا سەرفەرازیێ دەست ژ ھەموو خوشیێن دونیایێ بەر ددەن و ئەو قەھرەمانن یێن ئینەتێن پاقژ و ب بیروباوەری دچنە د سەنگەرێن شەرەفێ دا و دبنە ئاشقێن خزمەت و خەبات و فیداکاریێ کو ئەو ژی شەھیدن.
ژ لایێ خوەڤە مالباتێن شەھیدان ژی سوپاسیا بەرپرسێ لقێ کر ژ بۆ خەمخوری و وێ پووتەدانا بەردەوام یا ب مالباتێن شەھیدان ددەت.
