بەرپرسەکێ ئەمریکی مه‌ترسيه‌كێ ل سه‌ر ئورۆپا ئاشكه‌را دكه‌ت
ئەڤرۆ نیوز، ئەیاد بەرواری:
بەرپرسەکێ ئەمریکی دیارکر کو گەفێن تیرۆرستان ل ئورۆپا یێن بەر زێدەبوونەکا نە چاڤەڕێکری ڤە چووین ژ ئەگەرێ زڤرینا 1900چەکدارێن بیانی ژ عیراقێ و سووریێ بۆ ھندەک دەولەتێن ئورۆپی.
ل دووڤ شەفەق نیۆز، وی بەرپرسێ ئەمریکی د داخۆیانیەکێ دا بۆ تۆرا (سی ئێن ئێن)یا تەلەڤزیۆنی یا ئەمریکی گوت” پێشبینیێن ئەمریکی و ئورۆپی ھژمارا وان چەکدارێن پشکداری د شەڕان دا ل عیراقێ و سووریێ دا کری یێن دیارکرین کو ھەموو ئەو چەکدار نە ب سەر داعشێ ڤەنە، بەلکو ب سەر ھندەک رێکخستیێن دی ژی یێن چەکدار ڤەنە”.
خویاکر ژی” گومان یا ھەی کو ھندەک ژ وان چەکدارێن زڤرینەڤە ئورۆپا پلانان بۆ ئەنجامدانا کریارێن تیرۆرستی بدانن، بەلێ ھەتا نوکە ھژمارا وان پلاندانەران نەھاتیە زانین، ژبەرکو ھندەک ژ وان چەکداران ژ رێزێن گرۆپێن خوە یێن چەکداری یێن تیرۆرست یێن ڕەڤین و زڤرینە وەلاتێن خوە، بەلێ ھندەک یێن ھەین کو پشتی زڤرینا وان ژی پشتەڤانێن گرۆپێن خوە یێن تیرۆرستی نە”.
