بەرپرسەکێ توركومانان: رێکێ نادەین هەلبژارتنێن جڤاتا پارێزگەها كەركوكێ بهێنە ئەنجامدان

ئەڤرۆ نیوز ، زنار تۆڤی:

بەرپرسەکێ بەرەیێ توركومانی داخوازێ ژ حوکمەتا عیراقێ دکەت کو پێكهاتێ نڤێسینگەها كەركوكێ یێ كۆمسیۆنا هەلبژارتنان بهێتە گوهۆرین، چونكی ئەو رێکێ نادەن هەلبژارتنێن جڤاتا پارێزگەها کەرکۆکێ بهێته ئەنجامدان.

محەمەد سەمعان بەرپرسێ رێكخستنا بەرەیێ توركمانی گۆتیە ژی: بێی پێداچوون ب پێكهاتێ نڤێسینگەها كەركوكێ یا كۆمسیۆنا بلند یا هەلبژارتنان و بەرچاڤکرنا هەڤسەنگیێ تێدا، رێکێ نادەین هەلبژارتنێن جڤاتا پارێزگەها کەرکۆکێ بهێنە ئەنجامدان.

هەروەسا گۆتیه، ئەم داخوازێ ژ حوکمەتا عیراقێ دکەین کو دەستێوەردانێ بكەت و پێكهاتێ كۆمسیۆنێ ل كەركوكێ ب گوهۆریت و رێکێ نەدەت ب ڤی شێوێ نوکە سەرپەرشتیا هەلبژارتنێن جڤاتا پارێزگەهێ بكەت.

کۆمێنتا تە