بەرێ بنیاتی بۆ هەژمارەكا پڕۆژەیان ل سەنتەرێ باژێڕێ دهۆكێ هاتـە دانان
بەردەوامیدان ب گەهاندنا پڕۆژەیێن خزمەتگوزاری بۆ هەموو دەڤەرداری و ناوچەداریان، دوهی 6/5/2024 ب چاڤدێری و بەرهەڤبوونا د. عەلی تەتەر، پارێزگارێ دهۆكێ و د. نەوزاد عەبدوللا، بەرپرسێ لقێ ئێك یێ پارتی و ئیسماعیل محەمەد، دەڤەردارێ دهۆكێ و رێڤەبەرێن پەیوەندیدار بەرێ بنیاتی بۆ هەژمارەكا پڕۆژەیان د ناڤ سەنتەرێ باژێڕێ دهۆكێ دا ب گوژمێ نەه ملیار و 134 ملیۆن دیناران هاتە دانان، ب ڤی رەنگێ ل خوارێ:
١- بەرێ بنیاتی بۆ ڤەكرن و كۆنكریتكرن و سەخبێركرنا رێكا تاخێن گژەبەرا و بەڕۆشكێ و سەرهلدان و كانی مەهەمەدكێ و گەلی ب گوژمێ دو ملیار و 729 ملیۆن دیناران هاتە دانان.
٢- بەرێ بنیاتی بۆ ڤەكرن و كۆنكریتكرن و سەخبێركرنا جاددەیێن ناڤخوەیی ل تاخێن رەزا و سەربەستی ب گوژمێ ٨١٩ ملیۆن دیناران هاتە دانان.
٣- بەرێ بنیاتی بۆ ڤەكرن و كۆنكریتكرن و سەخبێركرنا رێكان و چێكرنا دیوارەكێ پالپشت ل كەرتێ ٧٥ ل شندۆخا باشوور ب گوژمێ ٤٨٩ ملیۆن دیناران هاتە دانان.
٤- بەرێ بنیاتی بۆ كۆنكریتكرن و سەخبێركرنا جاددەیان ل تاخێ شێلێ ب گوژمێ ٣١٠ ملیۆن دیناران هاتە دانان.
٥- بەرێ بنیاتی بۆ ڤەكرن و قێركرنا جاددەیا ٢٠ متری یا كارگەها ئیسفەنجی ژ جادا كەمەری یا ٣٠ متری هەتا جاددەیا 100 میتری یا بارزان ل گەل چەند جاددەیێن پارچا هەشت كەرتێ (٨٥) ب گوژمێ دو ملیار و ١٢٣ ملیۆن دیناران هاتە دانان.
٦- بەرێ بنیاتی بۆ ڤەكرن و قێركرنا جادەكا ٣٠ متری ل كەرتێ ١٣ ل مالتا ئیسلام ب گوژمێ ملیارەك و ٧٥ ملیۆن دیناران هاتە دانان.
٧- بەرێ بنیاتی بۆ ڤەكرن و كۆنكریتكرن و قێركرنا چەند جاددەیان ل مالتا سەری ب گوژمێ ٣٠٣ ملیۆن دیناران هاتە دانان.
٨- بەرێ بنیاتی بۆ قێركرن و كۆنكریتكرن و سەخبێركرنا جاددەیێن ناڤخوەیی ل تاخێ مالتایێ ب گوژمێ ملیارەك و ٢٨٣ ملیۆن دیناران هاتە دانان.
