بەرەڤانیا باژێرى ل عیراقێ ئامارا روودانێن ئاگربەربوونا گەنمی بەلاڤکرن
ئەڤرۆ نیوز، نەوزاد ھلۆری:
بەرەڤانیا باژێرى ل عیراقێ د راگەھاندنەکێ دا ئامارا ھەیڤەکێ یا روودانێن ئاگربەربوونا گەنمی ل عیراقێ بەلاڤکر کو ئەو ژی 272 رودانن، ھەتانوکە ھێشتا ئەگەرێن ئاگربەربوونا ھژمارەکا روودانان نەھاتیە زانین و دادگەھا تاوانان دێ ئەگەرا وان دیارکەت.
ب گورەی راگەھاندنەکێ کو ميديايێن عيراقى بەلاڤکریە، بەرەڤانیا باژێرى ل عیراقێ راگه‌هانديه، ئامارا روودانێن ئاگربەربوونێ یێن سەرانسەرێ عیراقێ د ماوەێ ھەیڤەکێ دا ل رێکەفتی 8/5/2019 ھەتا رێکەفتی 8/6/2019 بەلاڤکرن کو ئەو ژی 272 روودانن.
د راگەھاندنا وان دا زێدەتر ھاتیە، 74 ژ وان روودانان ژ ئەگەرێ شورتێن کارەبای بویە، 35 روودان ژی ب ئەنقەست بوینە، 32 روودان ژ دەرڤە و ژ ئەگەرێ گولەیان دروست بویە، دیسان 22 ژ ئەگەرێ جگارێ و 25 روودان ژ گولەیێن نافخوە و 84 روودان ژی ئەگەرا وێ دێ ژ لایێ دادگەھا تاوان ھێتە دیارکرن.
رووبەرێ زەڤیێن گەنمی یێن ھاتینە سوتن دماوێ ھەیڤا بوری دا، پتری 370 ھزار و 87 دونەمان بوویە، رووبەرێ ئەڤ سالە ھەموو دبیتە 992 ھزار و 344 دونەمێن عەردی.
