بەرەیێ نەخێر بۆ رێفراندۆمێ دێ دەنگێن بەلێ بۆ ریفراندۆمێ زێدەکەت
ئەڤرۆ نیوز ، نەوزاد ھلۆری
چالاکڤانەکێ سیاسی و قانونی دا دیارکر ئەنجامدانا پرۆسەیا ریفراندۆمێ قانونی و دەستووری یە ، بەلێ دنھادا چەندین برگە و ماددەیێن دەستووری ھاتینە لادان و چوو پێگیری پێناھێتەکرن ، و ئەو کەسانێن کو دژبەریا ریفراندۆمێ دکەن ژبلی کو ئەو دێ بەرەیەێ بەلێ بو ریفراندۆمێ ب ھێزکەن نکار کارتێکرنێ ل ئەنجامدانا ریفراندۆمێ بکەن.
کاوار حەمید باڤی چالاکڤان دوارێ سیاسی و قانونی دا کو بەلێ بۆ ریفراندوم پرسەکا قانونی و دەستووری یە و بو ئەڤرۆ نیوز گۆت: (دەستورێ عیراقێدیاردکەت کو بجھــ ئینانا دەستوری گرەنتی یە بۆ پاراستنا ئێکپارچەییا عیراقێ ئانکو ئەگەر دەستور نەھاتە بجھــ ئینان ئێکپارچەییا عیراقێ ژی نامینیت ، و د نھادا دەھان ماددەیێن دەستوری ھاتینە پشتگوھــ ھاڤێتن و ناھێتە بجھـ ئینان ئەڤجا خەلک یێ ئازادە کا چ رێکا دی بخۆ ھەلبژێریت بۆ سیستەمەکێ جودا یێ سیاسی چ د چارچوڤێ عیراقێ دا بیت و چ ژ دەرڤە و ئەو ب مافێ ھەمی پێکھاتەکی دھێتە زانین ، و ئەم ھەموو دزانین کو دەستوربـ دەنگێ خەلکی و ھێزا دەنگێن گەلی بۆ ھەر وەلاتەکی دھێتە دانان و دیسان ھەر ئەو ھێز و دەنگێ خەلکی دشێت ئەوی دەستوری بگوھوریت و راستڤە بکەتن و کوردستانیان بریار دا ب فیدرالیەت دگەل عیراقێ دا ل ٢٠٠٥ بمینن و نوکە ھەر ئەو گەل دێ بریارێ دەت بخۆ لــ رێکەکا دی بگەریێت و سیستەمەکێ دی بخۆ ھەلبژێریت یێ گونجایی و کا چەوا پێش وەخت گەلەک ژ ئەڤان رێکان دگەل عیراقێ ھاتینە تاقیکرن و بێ مفابووینە و ھیج گرەنتیەکا پاراستنا مافان د عیراقێ دا نینە و چ ئەڤرۆ و چ سۆباھی دێ ھەر پارچە بیت و ئێدی قەد باوەر ناکەین د چارچوڤێ عیراقێ دا ئەڤ پێکھاتە پێکڤە بژیت )
زێدەتر گۆت: ( ھیڤیا مە ئەوە بــ دەنگدان و بـ ئاشتیانە بریارا جودابوونێ ژ لایێ خەلکێ کوردستانێ ڤە بھێتەدان ، و ل پرانیا دونیایێ و وەلاتان رێز ل بۆچوونا خەلکی دھێتە گرتن و ب ئاشتیانە و دەنگدان دھێتە ئێکلاکرن و دخوازین ب رێکێن ئاشتیانە دگەل عیراقێ جودابوون بھێتەکرن و رێز ل بۆچوونا کوردستانیان بھێتەگرتن و دیسان سێ پارێزگەھا مافێ گوھورینا دەستورێ عیراقێ ھەیە و دەمێ سێ پارێزگەھــ دەنگی ب بەلێ بۆ سەربەخۆیێ بدەن ئانکو ئەو سێ پارێزگەھـ دشێن وی دەستوری ژی بگوھورن و بھەلوەشینن و ئێکێ دی دانن جھی و مافێ چارەنڤیسی مافەکێ یاسایی یێ ھەر گەلەکی و دەڤەرەکێ یە سیستەمێ خۆ یێ سیاسی دەستنیشان بکەن و بھەلبژێرن)
ل بارا بەرەیێ نەخێر ئەڤی َکو ل چەند رۆژێن بوری ل ھندەک جھان ھاتیە راگەھاندن ناڤبری دیارکر کو بەرەیێ نەخێر ژبلی زێدەکرنا دەنگێن بەلێ چوو تشتەکێ دن نەشێن بکەن و گوت ژی: (بـ ھزرا مە راگەھاندنا بەرەیێ نەخێر بۆ سەربەخۆیا کوردستانێ و دەولەتبوونێ بەری چەند رۆژان دێ زێدەتر ھێزێ دەتە بەرەیێ بەلێ بۆ سەرخۆبوونێ و دەولەتا کوردستانێ و خەلک زێدەتر ھاتە پێش بۆ بەلێ بۆ سەربەخۆیا کوردستانێ و ھەمی بزاڤ و شورەش و بەرخۆدان و سەرھلدان کوردان یێ د دیروکێ دا شکەستن ئینایی ئێک ژ خالێن سەرەکی ئەو بوویە بەرەیەکێ ناڤخۆ یێ دژ دروست بوویە بەلێ یا ئەڤێ جارێ مرۆڤی دلخۆش دکەتن ئەم باوەر ناکەین بەرەیێ ئەڤێ جارێ سەرەرایی ھەبوونا قەیرانێ و ھەمی کێماسیێن ھەین نەشێت رێگریێ لــ پێنگاڤا بەرەڤچوونێ بۆ دەولەتبوونێ و ئەنجامدانا ریفراندومێ بکەتن و رێگریێ ل بەرەیێ خەلکی بکەتن و بێ گۆمان ئەڤە دێ ھێتە سەلماندن ل ٢٥ ئەیلول و باوەر ناکەین چ باژێرەک ئەوێ کێماسیێ ل سەر خۆ قەبیل بکەتن دەنگی ب نەخێر بۆ سەربەخۆیی و جودابوونا کوردستانێ بدەن ژبەرکو ئەگەر ئەوی بەرەیی ژی چ تشتەک ڤێ نینە و دەمێ دبێژن دەم نینە پا کەنگی دەمە و کەنگی بکەن و ئەوان چ ڤێ ھەیە بۆ ئەڤی خەلکی و ئەگەر نە ژی ھزر ل ھندێ کریە خۆدێ نەکەتن ئەگەر نەخێر ب سەرکەفت ئەڤ گەلە دێ چەند بەرەڤ پاش چیت و دێ چارەنڤیسێ وی ددەستێ عیراقێ دا چ بیت بەلکو ب ھزرا مە تاکە رێک یا ئەڤرۆ دێ بۆ گەلێ کورد یا باش بی دەنگدانە ب بەلێ بۆ سەربەخۆیا کوردستانێ و پێکڤە ئەم ژی بەرەیێ خۆ بەرەیێ گەلی و بەرەیێ وان کەسان ب راگەھینن یێ خۆھــ و خۆین و رەنجا خۆ دایی بۆ ئاڤاکرنا ئەڤی وەلاتی و سەربەخۆیا وی و باوەر ناکەین کەسەکی رۆژەکێ خەبات بۆ ئەڤی وەلاتی کر بیت و دەنگی ب نەخێر بۆ سەربەخۆیا کوردستانێ بدەت و وژدانا وی رێکێ پێ بدەت)
