بەغدا پشکا بودجا ژ ھەرێمێ بری ئاشکرا دکەت
ئەڤرۆ، رەوان نھێلی:
لژنا وەزاری یا حوکمەتا عیراقێ پشکا بودجە و مووچێن ھەشت ھەیڤێن ھەرێما کوردستانێ ب 16 ترلیۆن دیناران دیار دکەت کو ژ ھەرێما کوردستانێ برینە.
ئەنجومەنێ وەزیرێن عیراقێ حەفتیا بۆری لژنەک ژ ھەشت وەزارەت و ھژمارەکا رێڤەبەرێن گشتی پێکئینا بۆ پرسا بودجێ سالا 2014 کو ھەتا نوکە ل پەرلەمانێ عیراقێ نەھاتیە پەسەند کرن و ل گەل ئێکلاکرنا پرسا بودجە و مووچێ ژ ھەرێما کوردستانێ ھاتیە برین.
ئەحمەد حاجی رەشید سەرۆکێ لژنا دارایی و ئابووری ل پەرلەمانێ عیراقێ راگەھاند کو لژنا وان د راپۆرتا خوە دا پشکا ھەرێما کوردستانێ ژ ھەیڤا دو یا ئەڤ سالە ھەتا ھەیڤا 10 یا ئەڤ سالە ب 16 ترلیون دیناران دیارکریە کو ئەڤ کوژمە پارەیە ل سەر بەغدایە و نەدایە ھەرێما کوردستانێ.
ئەڤ لژنا ھاتیە پێکئینان پشتی وەزیرێن کورد چووینە بەغدا ژ ئالیێ حەیدەر عەبادی سەرۆک وەزیرێن عیراقێ ل حەفتیا بۆری ھاتبوو پێکئینان، کو ھشیار زێباری وەزیرێ دارایی یێ عیراقێ سەرپەشتیا وێ لژنێ دکەت.
