بەغدا چو نیاز پاکی بەرامبەر ھەرێمێ بۆ رزگارکرنا مووسلێ نینە
ئه‌ڤۆ نيوز:
سەرۆکێ کوتلا برایەتیی و پێکڤە ژیانی ل جڤاتا پارێزگەھا نەینەوا دیارکر حوکمەتا ھەرێما کوردستانێ ب ھەموو شیان و نیازپاکیا خوە ل گەل حوکمەتا عیراقێ کار دکەت بۆ رزگارکرنا موسلی و ھەموو دەڤەرێن دەستێن رێکخراوا تیرۆرستی داعشی دا تنی دا مافێن مللەتی کورد بدەست ڤە بینن، بەلێ ب مخابنی ڤە حوکمەتا عیراقێ چو نیازپاکێ و ھاریکاری ل بەرامبەر ھەرێما کوردستانێ نەبوویە، بەغدا ھەردەم ل ژێر گڤاشتنا دەولەتێن ھەڤسوی بوویە.
بەرەکات شەمو, ئەندامێ جڤاتا پارێزگەھا نەینەوا بۆ باسنیوز دیارکر کو ھەکە رێکەفتن دگەل بەغدا نەھێتە کرن ب حازربوونا وەلاتین زلھێزێن جیھانێ دناڤ وان ژی دا ھێزین ھەڤپەیمانان زۆرا ب زەحمەتە حوکمەتا عیراقێ نیازپاک ببیت بەرامبەر ھەرێما کوردستانێ.
سەرۆکێ کوتلا برایەتیی و پێکڤە ژیانی ل جڤاتا پارێزگەھا نەینەوا گوتژی: “دەمێ بەغدا تەنگاڤ بیت ھەوارا خوە دگەھینتە حوکمەتا ھەرێما کوردستانێ ھەر دەمێ بەغدا رێیا خوە ببینت خاین دبیت ژبەر ڤی یەکی ژێ پێدڤیە رزگارکرنا مووسلێ ریکەفتی بیت و بەغدا بھێتە نەچارکرن مەرجێن مللەتێ کورد بجە بینت دناڤ مووسلێ دا”.
