بەغدا گەفا برینا ئاھێن خوارنێ و دەرمانێن ھەرێما کوردستانێ دکەت
ئەڤرۆ نيوز:
بەغدا گەفا برینا ئاھێن خوارنێ و دەرمانێن ھەرێما کوردستانێ دکەت و پەرلەمانتارەک ژی داخازێ ژ حوکمەتا ھەرێما کوردستانێ دکەت پەیوەندیێن خوە ل گەل بەغدا ئاسایی بکەت و رۆل ھەبیت ل دارشتنا پرۆژەیێ بوودجا سالا ٢٠١٦ یا عیراقێ دا.
د.فەرھاد قادر ئەندامێ جڤاتا نونەرێن عیراقێ دداخویانیەکێ دا راگەھاند: پشکا بوودجێ و ئاھێن خورانێ و دەرمانێن ھەرێما کوردستانێ ل بوودجا فیدرالیا عیراقێ سەدێ ١٧ ھاتیەدیاریکرن، ھەرچەندە ماوەیێ دوو سالە بەغدا پشکا بوودجا ھەرێما کوردستانێ بریە ،لێ زێدەباری کێم و کاسیان ئاھێن خوارنێ یێ ھەیڤانە و دەرمان بۆ ھەرێمێ رەوانە کرینە، بەس دیار نینە ل سالا بھێت بەغدا ئاھێن خوارنێ و دەرمانان رەوانە دکەت یان نە .
ناڤبری ئەو چەندە ژی دیارکر وەزیرێن حوکمەتا عیراقێ و ھژمارەکا فراکسیۆنێن ناڤ جڤاتا نونەرێن عیراقێ،ھەرێمێ ب تێکدانا پەیوەندیێن ل گەل بەغدا دھێتە تومەتبارکرن.
د.فەرھاد قادر ئەو چەندە ژی دیارکر بەغدا گەفا وێ ئێکێ دکەت کو ل بوودجا سالا بھێت پشکا ئاھێن خوارنێ و دەرمانێن ھەرێما کوردستانێ ب بریت،لەورا پێدڤیە ئەڤان گەفان ب کێم نەزانین و سەرکردایەتیا سیاسی یا کورد ب رژدی کار ل سەر ئەوێ پرسێ بکەت .
سالانە د ناڤ پرۆژێ بوودجا عیراقێ دا پشکەکا پارەی ل سەر بوودجا سیادی و حاکیمە بۆ کرینا ئاھێن خوارنێ و دەرمانان دھاتە تەرخانکرن و ژ وێ سەدێ ١٧ دھاتە رەوانەکرن بۆ ھەرێمێ،ھەرچەندە تا نھا ئاھێن خوارنێ و دەرمانێن ھەرێما کوردستانێ نە ھاتینە برین،لێ ھاتبوونە کێمکرن و دوور نینە ل سالا بھێت ژبلی برینا بوودجێ ئاھێن خوارنێ و درمانا ژی ببرن ژ ھەرێمێ.
