بەهدینان پێشوازیيا سەرۆک وەزیران دکەت
یوسرا دێوالی محەمەد تاهر
هاتنا جەنابێ برا گەورەی بۆ دەڤەرا بەهدینان و پشتەڤانیا جەنابێ وان بۆ پرۆژەیێن جودا جودا، ئاڤاکرنا کوردستانەکا رەنگین جهێ دەستخۆشی و سەربلندیێ یە كو ببوو تەڤا خەلکێ بەهدینان، هەر وەسا هاتنا وی بۆ ناڤ خەلکی و تێکهەلبوونا وی یا بەردەوام ل گەل هەمی چین و توێژان ڕاستی پەیامەکا گەلەک جوان و ڕۆهنە ئاشکرایە ئەڤە نیشا ددەت کو سەرکردایەتی هەرچەندە مەزن بیت هەر دەم ل پێشیا چاڤێن خۆ و د نێزیک ژیانا ڕۆژانە و درد و پێدڤیێن وەلاتیان دایە خەمخۆرێن خەلکێ خۆشتڤێ خۆنە، دەما سەرۆک ب خۆ دئێتە ناڤ خەلکێ و گوهـ ل دەنگ و گازندە و پێشنیارێن وان دگریت، مرۆڤ هەست دکەت کو سەرکردە ژ خەلکی جودا نینە، بەلکو پشکەکە ژ وان و هەر خۆ خاوەنێ ڤی وەلاتی دزانێت، ئەڤە ژی ڕەنگڤەدانەکا مەزن هەیە ل سەر وان گوهۆڕین و پێشکەفتنێن مەزنێن کو ئەم ئەڤڕۆ ل دەڤەرا خۆ دبینین ژ ئاڤاکرنا ڕێ و پر و ژێرخانەکا قایم تا ل گەل پڕۆژەیێن خزمەتگوزاری و ئاڤەدانیێ، هەمی نیشانەیا وێ چەندێ نە کو کارەکێ مەزن و پلەبەند هاتییە کرن دا کو ژیانا خەلکی هشک و گران نەبێت و ئاستێ ژیانێ بلندتر لێ بێت. چونکو هەر دەڤەرەک پڕۆژە تێدا هەبن و ئاڤا ببن، خەلکێ وێ ژی پتر دەنەسەر حەسانیێ و ئارامیێ.