ب تاوانا بازرگانيكرنێ ل گه‌ل داعش هژماره‌كا ئه‌ندامێن قه‌زا و ناحيا هاتنه ده‌سته‌سه‌ركرن
ئەڤرۆ نیۆز، قائید میرۆ:
ھژمارەکا ئەندامێن جڤاتا قەزا و ناحیێن دەوروبەرێ کەرکووکێ پەیوەندی ب چەکدارێن داعش ڤە ھەیە و سەرۆکێ لیژنا ئەمنی ل جڤاتا پارێزگەھا کەرکووکێ دده‌ته زانين كو ھژمارەک ئەندامان ب تۆمەتا بارزگانیکرن د گەل داعش ھاتینە دەستەسەرکرن.
ئەحمەد عەسکەری، سەرۆکێ لیژنا ئەمنی ل جڤاتا پارێزگەھا کەرکووکێ بۆ ئەڤرۆ نیۆز گۆت: “پشتی ھاتنا گرۆپێ تیرۆرستیێ داعش، ھژمارەکا ئەندامێن جڤاتێن قەزا و ناحیێن دەوروبەرێ کەرکووکێ پەیوەندی ب تیرۆرستێن داعش ڤە کریە و پشکەک ژ وان ژی د گەل داعش چووینە و ل وان دەڤەرێن بن دەستھەلاتا داعش د ژين”.
عەسکەری گۆتژی: “ھژمارەکا دی یا وان ئەندامێن جڤاتا قەزا و ناحیێن کەرکووکێ بازرگانیا پترۆلێ د گەل داعش کریە و فەرمانا دەستەرکرنێ بۆ ھاتیە دەرکرن و ھندەک ژ وان ژ لایێ ھێزێن ئەمنی ھاتینە گرتن و یێن مایێن ژی دێ ھێنە گرتن، ژ بەر کو دڤێت بھێنە دادگەھکرن”.
