ب تنێ ب راپرسییێ دێ ئه‌نجامێن هه‌لبژارتنێن عێراقێ هێنە پووچ کرن
ئەڤرۆ نیوز ، زنار تۆڤی :
شاره‌زایه‌كێ قانوونی راگه‌هاند ، ئه‌نجامدانا راپرسیێ بۆ پووچکرنا ئه‌نجامێن هه‌لبژارتنان یا د‌ستوورى و قانوونیه ، ئه‌و ده‌ستهەلاتە ژی ب تنێ د ده‌ست سه‌رۆك وه‌زیران دایە.
ئه‌یاد عه‌لاوى جێگرێ سه‌رۆك كۆمار و سه‌رۆكێ هەڤپه‌یمانیا نیشتمانى داخواز كریە کو راپرسیەکا جه‌ماوه‌رى بۆ پووچکرنا هه‌لبژارتنان بهێتە کرن.
لێ تارق حه‌رب کو شاره‌زایەکە د قانوونا عێراقێ دا دبێژیت ، ژ روویێ د‌ستووری و قانوونی ڤە ، ئاسایی یە ئه‌نجامێن هه‌لبژارتنان ب راپرسیا جه‌ماوه‌رى بهێنە پووچکرن.
هەروەسا تارق حه‌رب دبێژیت ، ئه‌نجامدانا راپرسیێ ژ هه‌لبژارتنان ئاڵۆزترە و پێدڤی ب خه‌رجیێن زێدەتر هه‌یه ، ل گه‌ل هندێ ژی وه‌ك هه‌لبژارتنان ئه‌نجامێن وێ د ئالۆز نینن و دێ ئه‌نجامێن دیار ب دەستڤه هێن ، گوتیە ژی ، هەکە راپرسى ل سه‌ر هه‌لبژارتنان بهێته کرن ، ب تنێ دێ ل سەر هندێ بیت ، تە ئەڤ ئه‌نجامه دڤێن یان ژی بهێنە پووچ کرن.