ب تۆمه‌تا گه‌نده‌ليێ به‌رپرسه‌كێ دارايى يێ به‌رێ هاته ده‌سته‌سه‌ركرن
ئه‌ڤرۆنيوز:
ده‌سته‌يا ده‌ستپاكيێ ل عيراقێ راگه‌هاند، ب هاريكاريا ده‌ستهه‌لاتدارێن ئوردنى، رێڤه‌به‌رێ گشتيێ به‌رێ يێ به‌نكا رافيده‌ين يا عيراقى هاته ده‌سته‌سه‌ركرن.
ده‌سته‌يا ده‌ستپاكيێ ل عيراقێ به‌لاڤكر” د هه‌وا گرتن وڤه‌گه‌راندنا به‌رپرسێن گه‌نده‌لكار، چار كه‌يس داينه به‌ر ده‌ستێ ده‌ستهه‌لاتدارێن ئوردنێ هه‌ر دوى چارچۆڤه‌ى دا، تۆمه‌تبارێ ره‌ڤى (زيا حه‌بيب خه‌يون) كو پێشتر رێڤه‌به‌رێ گشتيێ به‌نكا رافيده‌ين يا عيراقى بوو”.
دياركر ژى” ده‌سته‌سه‌ركرنا ڤى تۆمه‌تبارى ب هاريكاريا ده‌ستهه‌لاتا دادوه‌رى يا ئوردنى بوو، چونكى زيا خه‌يون ب مادێن 340 و331 و341 ژ قانوونا سزادانا عيراقى، بريارا ده‌سته‌سه‌ركرنێ بۆ هاتبوو ده‌ركرن”.
د سالا 2018 دا، ده‌سته‌يا ده‌ستپاكيێ ل عيراقێ شيايه چه‌ند به‌رپرسێن عيراقى يێن به‌رێ ل ده‌رڤه‌ى عيراقێ ده‌سته‌سه‌ر بكه‌ت وڤه‌گه‌رينيت بۆ عيراقێ ژوان وه‌زيرێ به‌رێ يێ بازرگانى عه‌بدولفه‌لاح سودانى كو لوبنانێ هاتبوو ده‌سته‌سه‌ركرن، هه‌روه‌سا دوهى رێڤه‌به‌رێ گشتيێ يێ به‌رێ يێ وه‌زاره‌تا به‌رگريا عيراقى زياد قه‌تان هاتبوو ده‌سته‌سه‌ركرن.
