ب جلكێن پێشمه‌رگه‌يى و ئالايێ كوردستانێ پشكدارى غاردانه‌كا نێڤده‌وله‌تى بوون
ئه‌ڤرۆ نيوز:
دو گه‌نجێن ناحيا باتيڤا كو نوكه ئاكنجيێن سويدن، ب جلكێن پێشمه‌رگه‌يى و ئالايێ كوردستانێ پشكدارى د غاردانه‌كا نێڤده‌وله‌تى يا وى وه‌لاتى دا كرن.
ل رۆژا 22\3\2015 دو گه‌نجێن د بنيات دا خه‌لكێ پارێزگه‌ها دهۆك، قه‌زا زاخۆ، ناحيا باتيفا، كو نوكه خۆجهيا وان باژێرێ يۆتۆبۆرى يێ سويدى يه ب ناڤێ هشيار سالح حسێن يێ 46 سالى و سه‌ربه‌ست شه‌فيق حسێن يێ 41 سالى، ب جلكێن پێشمه‌رگه‌يى و ئالايێ كوردستانێ پشكدارى د غاردانه‌كا نێڤده‌وله‌تى دا يا وى باژێرى كر وه‌كو پشته‌ڤانيه‌ك بۆ پێشمه‌رگه‌يى يێ نوكه د سه‌نگه‌رێن به‌ره‌ڤانيێ دا.
ئه‌ڤان گه‌نجان دا خۆياكرن كو هه‌ستا وان يا نه‌ته‌وه‌يى و خۆراگريا وان و سه‌ركه‌فتنێن ئێك ل دووڤ ئێكێ يێن پێشمه‌رگه‌يى ئه‌و به‌ر ب ئه‌نجامدانا ڤى كارى بن و دا زانين كو ئه‌ڤه ب تنێ ئه‌ركه‌كێ بچووكه ل سه‌ر ملێن وان.
دا زانين ژى كو ئه‌ڤ كاره وه‌كو هه‌ڤخه‌مى و دلسۆزيێ يه بۆ خوين و خێزانێن شه‌هيدان و وان ڤيايه ب ڤێ رێ ديار بكه‌ن كو كورد ل هه‌ر جهێ هه‌بن، هه‌ر پێشمه‌رگه نه.
ئه‌ڤه نه جارا ئێکێ یه کوردێن ئورۆپا ڤان جۆره چالاکیان ئه‌نجام دده‌ن و پشته‌ڤانی یا خوه ب گه‌له‌ک ڕێيێن دیتر بۆ پێشمه‌رگه‌ی دیارکرینه.
بێكه‌س سالح ئێك ژ فانێن “ئه‌ڤرۆ نيوز”ه، ئه‌ڤ وێنه و پێزانينه ل سه‌ر ڤى بابه‌تى بۆ مالپه‌رى ره‌وانه كرينه.
