ھەیڤا سەرکەفتنێن بەرشەلۆنا دخولا ئیسپانیا و ئورۆپا دا ب بزانە
ئەڤرۆ نیوز،ھەژار مەعروف:
رۆژناما سپورت یا کەتەلونی راپورتەکا بەرفرەھـ ل سەر سەرکەفتنێن یانا بەرشەلۆنا ل ھەیڤا شوبات تومارکرین دروستکری یە کو دھێتە ھژمارتن ھەیڤا سەرکەفتنێ ھەر ژ سالا ٢٠٠٢ ھەتا ٢٠١٦ بۆ یانا کەتەلونی .
وێ رۆژنامێ د راپورتا خوە دا ئاماژە ب وێ چەندێ کری یە د ماوێ ڤێ ھەیڤی دا ب رێژەیەکا مەزن بەرشەلۆنا شیا سەرکەفتنا توماربکەن د ھەر قارەمانیەکا پشکدار ئورۆپا یان ھەردو خولێن ئیسپانیا و کاسا ئیسپانیا کو تایبەت سەرکەفتنێن وێ ل دووماھیا ڤێ ھەیڤی دھێنە تومارکرن.
ژ سالا ٢٠٠٢ وەرە ھەتا ٢٠١٦ یانا بەرشەلۆنا ل ھەیڤا شوبات دا ٩٤ یاری ئەنجامدای نە شیا ٦١ سەرکەفتنا توماربکەت بەرامبەر ١٥ وەکھەڤیا و ١٨ خوسارەتیا، ھژمارا سەرکەفتنێن بەرشەلۆنا پتر بوو خولا ئیسپانیا ڤەدگەریت کو د ٦١ سەرکەفتنێن خوە دا ٤٤ سەرکەفتن ل خولا ئیسپانیا بوون و ١٣خوسارەتیا و ھەشت وەکھەڤیا.
یانا بەرشەلۆنا ل دو سالان شیا رێژەیا ١٠٠% یا سەرکەفتنا توماربکەت ئەوژی ل سالا ٢٠٠٤ ل سەر دەستێ راھێنەرێ ھولەندی ریکارد کو پێنج یاریان شیا پێنج سەرکەفتنا توماربکەن و ھەردیسان جارا دوێ ل وەرزێ ئەڤ سالە بوو ٢٠١٦ ل سەر دەستێ راھێنەرێ ئیسپانی لویس ئەنریکی د پێنج یاریێن خولێ دا شیا پێنج سەرکەفتنا توماربکەت و ھەردیسان د قارەمانیا یانێن ئورۆپا دا شیا سەرکەفتنێ ل سەر ئەرسینال توماربکەت و دو یاری ل گەل فالنسیا د قارەمانیا کاسا ئیسپانیا دا کو د یاریا ئێکێ دا شیا سەرکەفتنێ توماربکەت و یاریا دوێ دا وەکھەڤ بوو ژ سەرجەمێ ھەشت یاریان حەفت سەرکەفتن و وەکھەڤیەک تومارکرن.
یانا بەرشەلۆنا دڤێ ھەیڤی دا ١٧ یاری ئەنجامدای نە کو شیا ٩ سەرکەفتنا توماربکەت بەرامبەر چار وەکھەڤیا و چار خوسارەتیا و ١٢ یاری د قارەمانیا کاسا ئیسپانیا دا کری نە ھەشت سەرکەفتن تومارکری نە بەرامبەر ئێک خوسارەتیێ و سێ وەکھەڤیا و د ئەڤان ھەردو قارەمانیان دا ب رێژەیا مەزن خوسارەتی و وەکھەڤیێن بەرشەلۆنا بۆ وێ چەندێ ڤەدگەرن ژبەرکو ب رێیا ھاتن و چوونە ئەڤ ھەردو قارەمانی کو گەلەک جاران ب خوسارەتیێ ژی چو کارتێکرن ل دورخستنا بەرشەلۆنا نەکری یە ژ قارەمانیێ ئانکو ب یاریکەرێن یەدەگ یاری کری یە.
د سەرجەمێ ھەمی یاریێن خوە یێن ھەیڤا شوبات یانا بەرشەلۆنا رێژەیەکا باش یا گولان تومارکری نە کو ٢٠٨ گول تومارکری نە بەرامبەر ٩٤ گول سەر ھاتینە تومارکرن و ئەڤ سالە ژ ھەمی سالێن بوری رێژەیا تومارکرنا گولان باشتر بوو ئەوژی ٢٥ گول ھاتینە تومارکرن
