ب سه‌ره‌دانه‌كا دو رۆژى سه‌رۆك وه‌زيرێ توركيا گه‌هشته عيراقێ
ئه‌ڤرۆ نيوز:
ئه‌حمه‌د داود ئوغلۆ د سه‌ره‌دانه‌كا دو رۆژى دا گه‌هشته به‌غدا پشتى ژ هه‌لايێ هه‌ڤپيشه‌يێ خوه ڤه حه‌يده‌ر عه‌بادى هاتيه داخوازكرن و دهێته چاڤه‌رێكرن هاتنا وى بۆ خۆشكرنا په‌يوه‌نديان و به‌حسكرنێ ل ره‌وشا ئه‌منى يا ده‌ڤه‌رێ بيت.
دهێته چاڤه‌رێكرن سه‌رۆك وه‌زيرێ توركيا دادو ئوغلۆ دێ د ڤێ سه‌ره‌دانا خوه يا دو رۆژى دا ل گه‌ل هه‌ر ئێك ژ سه‌رۆك وه‌زيرێن عيراقێ حه‌يده‌ر عه‌بادى و سه‌رۆك كۆمارێ عيراقێ فوئاد مه‌عسوم و سه‌رۆكێ په‌رله‌مانى سه‌ليم جبۆرى كۆم بيت.
پشتى ژ به‌غدا ب دووماهى ژى دهێت دێ سه‌ره‌دانا هه‌رێما كوردستانێ كه‌ت و ل وێرێ ژى ل گه‌ل مه‌سعود بارزانى سه‌رۆكێ هه‌رێما كوردستانێ و نێچيرڤان بارزانى سه‌رۆكێ حوكمه‌تا هه‌رێما كوردستانێ و چه‌ند په‌رسێن دى كۆم بيت.
هه‌ر ئێك ژ وه‌زيرێ به‌ره‌ڤانيێ ئه‌فكان ئالا و وه‌زيرێ ره‌وشه‌نبيرى و گه‌شتيارى عومه‌ر چه‌ليك و وه‌زيرێ گۆمرك و بازرگانيێ نوره‌دين چانگلى و جێگرێ سه‌رۆكێ پارتا داد و گه‌شه‌پێدانێ ياسين ئه‌قتاى ل گه‌ل داود ئوغلۆ شاندێ وه‌لاتێ توركيا پێك دئينن.
سه‌رۆ وه‌زيرێ توركيا د داخۆيانيه‌كا رۆژنامه‌ڤانى دا ل فرۆكخانا ئه‌نقه‌ره بۆ رۆژنامه‌ڤانان راگه‌هاند كو سه‌ره‌دانا وى ب مه‌ره‌ما به‌حسكرنا ره‌وشا ئه‌منى يا ده‌ڤه‌رێ يه ب تايبه‌ت وه‌لاتێ عيراق و سوريا و وه‌كو دايه زانين پشتى ڤێ سه‌ره‌دانێ ل گه‌ل به‌رپرسێن ئه‌مريكى و وه‌لاتێن دى ژى روونيت.
