ب سه‌رۆكاتيا نێچيرڤان بارزانى شاندێ هه‌رێمێ ئه‌ڤرۆ دێ ل گه‌ل عه‌بادى ڤان بابه‌تان گه‌نگه‌شه‌كه‌ت
ئه‌ڤرۆ نيوز:
نێچيرڤان بارزانى سه‌رۆكێ حوكمه‌تا هه‌رێما كوردستانێ ب سه‌رۆكاتيا شانده‌كێ بلندێ هه‌رێمێ دێ چيته به‌غدا و بڕياره ل گه‌ل حه‌يده‌ر عه‌بادى سه‌رۆك وه‌زيرێن عيراقێ و لايه‌نێن شيعه كۆم ببيت.
شاخه‌وان عه‌بدولا ئه‌ندامێ جڤاتا نوونه‌رێن عيراقێ ژ فراكسيۆنا پارتى راگه‌هاند شاندێ هه‌رێمێ ئه‌ڤرۆ رۆژا دوشه‌مبى دێ سه‌ره‌دانا به‌غدا كه‌ت و ب سه‌رۆكاتيا نێچيرڤان بارزانى يه.
ژێده‌ره‌كێ ژ نڤيسينگه‌ها حه‌يده‌ر عه‌بادى، سه‌رۆك وه‌زيرێن عيراقێ راگه‌هاند كو شاندێ هه‌رێمێ ب سه‌رۆكاتيا نێچيرڤان بارزانى و ئه‌ندامه‌تيا رۆژ نورى شاويس جێگرێ به‌رێ يێ سه‌رۆك وه‌زيرێن عيراقێ و فوئاد حسێن سه‌رۆكێ ديوانا سه‌رۆكاتيا هه‌رێمێ و فه‌لاح مسته‌فا به‌رپرسێ فه‌رمانگه‌ها په‌يوه‌نديێن ژ ده‌رڤه ل حوكمه‌تا هه‌رێما كوردستانێ دێ گه‌هنه جڤاتا وه‌زيران ل عيراقێ و ل گه‌ل حه‌يده‌ر عه‌بادى كۆم بن.
ئه‌وى ژێده‌رى گۆت: “بڕياره سێ ته‌وه‌ر بهێنه به‌حسكرن؛ شه‌رێ مووسل و دوسيا په‌ترۆلێ و بابه‌تێ وه‌رگرتنا باوه‌ريێ ژ هشيار زێبارى كو شيعه پشته‌ڤانيا وى بكه‌ن”.