ب كۆژمێ سێ ملیون یورویا پرۆژه ل دهۆكێ دێ هێته ئه‌نجامدان
ئه‌ڤرۆ نیوز: ئه‌كره‌م ئیبراهیم:
ئه‌ڤرو سپێدێ 21/9/2016 فه‌رهاد ئه‌مین ئه‌تروشى پارێزگه‌رێ دهوكێ و مارك لیڤیكس به‌رپرسێ پشكا ( كاش فور روك ) یا رێكخراوا GIZ ل كوردستانێ ب ئاماده‌بونا جێگرێ پارێزگه‌رێ دهوكێ بو كاروبارێن ته‌كنیكى و هژماره‌كا رێڤه‌به‌رێن گشتى یێن ده‌زگایێن حوكومه‌تا هه‌رێما كوردستانێ پروتوكوله‌ك ب كوژمێ نێزیكى 3 ملیون یورویا ئیمزا كر ,
پارێزگه‌رێ دهوكێ سوپاسیا رێكخراوا ناڤبرى و هه‌مى رێكخراوێن ئه‌لمانى كر و بیانى كر و دیار كر كو رێكخراوا ئه‌لمانى یا GIZ ئه‌ف ده‌ست پێشخه‌ریه یا كرى كو پشته‌ڤانیا پروژێن رێڤه‌به‌رى و دام و ده‌زگه‌هێن سه‌رب ب حكومه‌تا هه‌رێما كوردستانێ ڤه بكه‌ن ب تایبه‌تى وان سه‌كته‌رێن گرێداى ژیانا هاولاتیان وه‌كو ساخله‌مى و چاندن و په‌روه‌رده و باژێرڤانى و ئاڤدان و دارستانى و هنده‌ك لایه‌نێن دى یێن گرنگ ئه‌ڤه‌ژى جهێ ده‌ست خوشى و سوپاسیێ یه و ل دیف پێزانینێن من ئه‌ڤه ئێكه‌م جاره ل كوردستانێ بڤى ره‌نگى پشته‌ڤانى ل پروژا بهێته كرن هوسا به‌رفره‌ه ,
هه‌روه‌سا پارێزگه‌رێ دهوكێ گوت هیڤیدارم رێڤه‌به‌ریێن كو دێ ب ڤان پروژا رابن مفایه‌كێ زور برێكا وان پروژا بگه‌هیننه هاولاتیان و به‌رژه‌وه‌ندیا گشتى ل به‌رچاڤ بهێته وه‌رگرتن ل ئه‌نجام دانا ڤان پروژا دبیت كوژمه‌كى زور نه‌بیت لێ بو ڤێ قوناغێ تشته‌كێ باشه و هیڤیدارین ئه‌ڤه پێنگاڤا ئێكێ بیت و پێنگاڤێن مه‌زنتر ددیڤدا بهێن ژلایێ وان و رێكخراوێن دیژى ڤان پروژا بجه بینن تایبه‌ت رێكخراوێن UN ژبه‌ر كو دهوك دكاودانه‌كێ تایبه‌ت دا یه و ژبلێ گڤاشتنێن ئاوارا و په‌نابه‌را و شه‌رێ داعش و دورپێچێن دیژى ل سه‌ر هه‌نه و سنورێ توێ باهرا پێتر هاتینه گرتن تایبه‌ت رێكا پارێزگه‌ها نه‌ینه‌وا كو ده‌رگه‌هه‌كى گه‌له‌ك گرنگ بو بو پارێزگه‌ها دهوكێ و هه‌رێما كوردستانێ بو بازرگانیێ ,
دیڤدا نوێنه‌رێ رێكخراوا GIZ به‌رێز مارك لیڤیكس به‌رپرسێ پشكا كاش فور ورك ل رێكخراوا نافبرى ل هه‌رێما كوردستانێ سوپاسیا پارێزگه‌رێ دهوكێ و ستافێ پارێزگه‌هێ و بورها كر بو وى كارى ل سه‌ر به‌رهه‌فكرنا ڤان پروپوزه‌لا هاتیه كرن و ئاماده بوین پشتى چه‌ندین روژێن كارى دگه‌ل بوردێ كاروبارێن مروڤایه‌تى ورێڤه‌به‌ریێن حكومه‌تا هه‌رێمێ ل پارێزگه‌هێ ئه‌ڤرو ئاماده بوین بو ئیمزا كرنێ و ئه‌ڤه پێنگاڤا ئێكێ بو و لبه‌ره پێنگاڤا بهێت دگه‌ل رێكخراوێن NGO ژى هه‌ما كار بهێته كرن و هنده‌ك پروپوزه‌ل بهێنه ئاماده كرن و ئیمزا كرن بو هندێ خزمه‌ته‌ك درێكا وان ژى را بیهێته كرن و ئارمانج ژ ڤان پروژا دیار كرنا پشته‌ڤانى و هاریكاریا مه‌یه بو پارێزگه‌ها دهوكێ و خه‌لكێ وێ و ئه‌م برێكا ڤان رێڤه‌به‌ریا دێ هاریكار بین كو ئه‌و رێڤه‌به‌رى هاریكاریا خه‌لكێ خو بكه‌ن ل پارێزگه‌ها دهوكێ ,,
دیڤدا پارێزگه‌رێ دهوكێ و نوێنه‌رێ رێكخراوێ پروتوكول ئیمزا كر و هه‌ر رێڤه‌به‌ریه‌كێ جودا پروپوزه‌لێ خو دگه‌ل رێكخراوا نافبرى ئیمزا كر بو هندێ ل پاشه روژه‌كا نێزیك ده‌ست بكارى بهێته كرن ,,
هه‌ژى گوتنێ یه رێكخروا GIZ دێ ب كوژمێ نێزیكى 3 ملیون یورو هاریكاریێ بو هژماره‌كا پروژان ل بیاڤێن ساخله‌مى و په‌روه‌رده و باژێرڤانیا دهوكێ و باژێرڤانیێن پارێزگه‌هێ و ئاڤدان و دارستانێ چاندنێ و كارگێریا خوجهیێ كه‌ت و ئه‌و رێڤه‌به‌رى دێ پروژێن خو بجه ئینن .